Wainaina Mbugua – Muoyo wa Gutura Lyrics

Muoyo muoyo wa gũtũũra, nĩguo niĩ nyendega
Ndĩrutanagĩria mũno mũno nĩguo ngawona
Njĩra njĩra ya muoyo-inĩ nĩyo njĩra njeke
Nao andũ arĩa merutanagĩria nĩmamĩonaga

Messiah twaranaga naniĩ
Woi ndeithagia gwathaga mĩthiĩre yakwa
Na watho wa roho wa muoyo
Reke wũihũre ngoro yakwa ĩgũkenagie

Yashua ndeithia njagĩrĩre meciria-inĩ makwa
Ona ngoro yakwa thĩiniĩ ona mĩthiĩre-inĩ yakwa
Thambia thambia nĩngũthera nduĩke kĩndũ kĩega,
Ona ngũkenagie mũno rĩrĩ ngũgũtungata

Messiah twaranaga naniĩ
Woi ndeithagia gwathaga mĩthiĩre yakwa
Na watho wa roho wa muoyo
Reke wũihũre ngoro yakwa ĩgũkenagie

Wĩra waku ngĩũruta, ũheage hinya
Nĩguo thũ cia ũhoro wa ma ũgaconokaga mũno
Nĩ aingi mũno meranaga, we nĩwandigire
Makanduĩra ciira ũũru na njĩra ya rũmena

Messiah twaranaga naniĩ
Woi ndeithagia gwathaga mĩthiĩre yakwa
Na watho wa roho wa muoyo
Reke wũihũre ngoro yakwa ĩgũkenagie

Maitho makwa ma mwĩrĩ ũyũ, monaga mahĩtia
Ũndeithie gũkũra ũhingũre maitho ma roho
Matũ makwa ma mwĩrĩ ũyũ manyitaga njũru
Hingũra ma roho nĩguo njathĩkagĩre roho

Messiah twaranaga naniĩ
Woi ndeithagia gwathaga mĩthiĩre yakwa
Na watho wa roho wa muoyo
Reke wũihũre ngoro yakwa ĩgũkenagie

Mũndũ mũndu wa kĩmwĩrĩ nĩatukanagĩrwo
Rĩrĩa egũtwarana na ndungata iria cia kĩroho
Rĩrĩa kwerwo kwĩna ũgwati we ndangĩkũrana
Aikaraga oo hau nginya akaya gũkorererwo

Messiah twaranaga naniĩ
Woi ndeithagia gwathaga mĩthiĩre yakwa
Na watho wa roho wa muoyo
Reke wũihũre ngoro yakwa ĩgũkenagie

Nĩnjũĩ wega ndwanjĩtire ihinda inini tu
Wanjĩtire ndũe mbaara njega nginyie mũthia
Mũcaara wothe nĩwe mwene ũkarĩha mũndũ
Kũringana na mawĩra make marĩa anaruta

Messiah twaranaga naniĩ
Woi ndeithagia gwathaga mĩthiĩre yakwa
Na watho wa roho wa muoyo
Reke wũiyũre ngoro yakwa ĩgũkenagie

Guoko gwaku kũrĩ hinya, nĩkwahonokirie
Nĩkuo kwandutire hinya-inĩ ũrĩa wa mũcukani
Tũũra tũũra ũnyitĩte, na ndũkanandige
Tũgatonya nawe ũthamaki-inĩ ũrĩa ũtagathira

Messiah twaranaga naniĩ
Woi ndeithagia gwathaga mĩthiĩre yakwa
Na watho wa roho wa muoyo
Reke wũiyũre ngoro yakwa ĩgũkenagie