Lizz Guchuh – Gaturume Lyrics

Gatũrũme nama ka ũthingu,
Igongoona rĩtarĩ na ũũgũ,
Mũthia wa magongona mothe,
Mũtherithia wa mehia Mwathani,

Thakame ya thenge yatherithia,
Ndacokaga oho mwaka o mwaka,
Ĩkandirikania mehia mwakwa,
Gũtirĩ matuĩra thĩinĩ waku.

Baba ũrogocwo na ũrokumio,
Mwagĩrĩru nĩwe riri wakwa,
Kabirũ ga thogora ũyũ wakwa,
Ti dhahabu nama kana betha.

Icoka-inĩ ciakwa ndarĩ o kũraya,
Nawe Mwathi wakwa gwata muoyo,
Thenge ndĩanginyirie ũthingu-inĩ ũyũ,
Ndatigithanĩtio nawe Mũngũri,

Thakame ya mũũrũ waku,
Ĩgĩtuĩka rĩigwiithania rĩakwa,
Ngĩturanĩrwo riri-inĩ waku,
Ikinyo rĩakwa thĩinĩ wa wega

Baba ũrogocwo na ũrokumio,
Mwagĩrĩru nĩwe riri wakwa,
Kabirũ ga thogora ũyũ wakwa,
Ti dhahabu nama kana betha.

Mothe mekĩkire hĩndĩ ya tene,
Ngerekano ya mahinda tũrĩ,
Ndigũikara kĩruru-inĩ rĩngĩ,
Wĩmũkinyu Mwathi ũkahonokia,

Mũthĩnjĩri Ngai ũrĩa mũnene,
Wa maũndũ meega marĩa twĩnamo,
Hema ũtungataga nayo nĩnene,
Onanjagĩrĩru gũkĩra mbere.

Baba ũrogocwo na ũrokumio,
Mwagĩrĩru nĩwe riri wakwa,
Kabirũ ga thogora ũyũ wakwa,
Ti dhahabu nama kana betha.

Mũtonyi hemai-inĩ harĩa hatheru,
Rita orĩmwe Ngai rĩakuigana,
Watonyire na thakame yaku,
Gĩtũmi gĩakwa gĩa gũtũũra.

Korwo thakame ya thenge na ndegwa,
Mũhu ũcio wa moori nĩwatheragia,
Mĩĩrĩ yao Ngai nĩaatĩa makĩria,
Thakame ya Jesu ũtarĩ ũũgũ?

Baba ũrogocwo na ũrokumio,
Mwagĩrĩru nĩwe riri wakwa,
Kabirũ ga thogora ũyũ wakwa,
Ti dhahabu nama kana betha.

Baba ũrogocwo na ũrokumio,
Mwagĩrĩru nĩwe riri wakwa,
Kabirũ ga thogora ũyũ wakwa,
Ti dhahabu nama kana betha.