Lizz Guchuh – Amukira Ugooci Lyrics

Baba wee ithundũkĩro rĩa wega
Nĩkĩĩ ithuĩ nama tũngĩkũrahĩra
Wĩkĩte marĩa matangĩrĩhĩka
Kana maimwo magĩkinye mũthia

Nĩ Ngai ĩrĩkũ ĩngĩtua gĩtũũro
Kĩayo ngoro-inĩ cia arũmĩrĩri ayo?
Gĩtũũro gĩaku Ngai thĩiniĩ witũ
Mwĩtĩo witũ Ngai thĩinĩ waku

Amũkĩra ũgooci ũyũ Mwathi wakwa
Gĩtonga kĩa wega kũrĩ ũrĩa mũũru
Nĩwega nĩwega wee mũtuoheri
Tene na tene nĩrĩo rĩtwa rĩaku

Ndaneka mawĩko marĩa ma wega
Makĩaga gũthogorera tha ciaku
Igongona rĩa njino niĩ ngĩkĩruta
Ũthingu-inĩ ngĩaga gũgĩkinyanĩra

Nĩ tondũ wa wendo waku ti wakwa
Ũkĩruta igongona rĩmwe rĩega
Mbĩrĩra ĩkĩnjĩta mũtũũri muoyo
Tene na tene ũrogĩkumagio

Amũkĩra ũgooci ũyũ Mwathi wakwa
Gĩtonga kĩa wega kũrĩ ũrĩa mũũru
Nĩwega nĩwega wee mũtuoheri
Tene na tene nĩrĩo rĩtwa rĩaku

Wĩ ũtugi ũtabuĩragia mehia-inĩ
Wĩ wendo ũtuĩkanagia ũriku-inĩ
Nũũ ũngĩhia akĩhũmie ũtugi waku?
Kana waganu wake ũhũũmie ũthingu?

Wĩ Ngai wĩiganĩtie ũrĩo wiki
Wĩ mũtambũrũko ũrĩa ũtagathira
Mwĩhoko wa ndũrĩrĩ ciothe cia thĩ
Ndagũthathaiya Mwathi ũrĩ wa mwanya

Amũkĩra ũgooci ũyũ Mwathi wakwa
Gĩtonga kĩa wega kũrĩ ũrĩa mũũru
Nĩwega nĩwega wee mũtuoheri
Tene na tene nĩrĩo rĩtwa rĩaku

Korwo niĩ nderwo nyine ingĩkĩina kĩĩ?
Korwo nderwo hunjie niĩ ingĩhunjia kĩĩ?
Ũtuĩkĩte rũrĩmĩ rwakwa Mwathani
Gũtũũra gwakwa nĩ tondũ nĩũtũire

Mwathani wee nĩwe ũhoro ũrĩa mwega
Ũkĩte kũrĩ ũrĩa ũkuĩte mehia-inĩ
Gũtũũra rĩgatuĩka rĩtwa riitũ
Mwathi wee tene ũrokĩgocagwa

Amũkĩra ũgooci ũyũ Mwathi wakwa
Gĩtonga kĩa wega kũrĩ ũrĩa mũũru
Nĩwega nĩwega wee mũtuoheri
Tene na tene nĩrĩo rĩtwa rĩaku