Demand cia watho

Mũimbia wa iromo ici ciakwa-ĩĩ
Na ũgooci nĩndagũthathaiya
Itherũka rĩrĩ ngoro yakwa-ĩĩ
Rĩa wega na maaĩ me muoyo

Muoyo ũthekereire mbĩrĩra
Gĩkuũ rũboora rwaku rwĩkũũũ
Icoka ciaku Ngai witũ-ĩĩ
Nĩ cia mwanya nĩcihonoketie

Nguuga atĩa tiga ngũthathaiye-ĩĩ?
Ngũina atĩa tiga ngũtũgĩrie ee?
Ndimandi cia watho Mwathani-ĩĩ
Nĩũhingĩtie ithenya-inĩ riitũ

Mũrĩithi mwega Ngai wakwa-ĩĩ
Mũhũnia,mũnyotori wakwa
Ihũnia na inyotora rĩaku-ĩĩ
Twagwĩtĩkia nama nĩ rĩa tene

Mũtumia mũsamaria Mwathi
Agwĩtĩkia ndacokire rĩngĩ
Gĩthima-inĩ nama kũmatahia-ĩĩ
Atherũkaga maaĩ marĩ muoyo

Nguuga atĩa tiga ngũthathaiye-ĩĩ?
Ngũina atĩa tiga ngũtũgĩrie ee?
Ndimandi cia watho Mwathani-ĩĩ
Nĩũhingĩtie ithenya-inĩ riitũ

Kĩgongona kĩrĩa kĩahũtĩire ĩĩ
Thakame ya itetera riitũ
Icooka ciitũ igĩkundera-ĩĩ
Kũhũnia kĩgongona kĩa mehia

Gatũrũme ka ũthingu Ngai
Ũkĩruta icoka-inĩ ciaku
Akĩhũnia magongona mothe
Nduĩke ũthingu itarĩ na ciĩko

Nguuga atĩa tiga ngũthathaiye-ĩĩ?
Ngũina atĩa tiga ngũtũgĩrie ee?
Ndimandi cia watho Mwathani-ĩĩ
Nĩũhingĩtie ithenya-inĩ riitũ

Hũni ĩrĩa ũhũnĩtie nayo-ĩĩ
Ndĩitiragĩrĩrwo nĩ ũmũndũ
Ũthingu ũrĩa ũtũhete Mwathani-ĩĩ
Ndũĩtiranĩtie ciĩko-inĩ ciitũ

Ciringi ndĩnyitĩrĩire ũtonga
Kana wega ũkanyitĩrĩra ũtugi
Wĩhũnĩtie nĩkĩo ũtũhũnĩtie-ĩĩ
Ũtekũhoya kũrĩ icoka ciitũ

Nguuga atĩa tiga ngũthathaiye-ĩĩ?
Ngũina atĩa tiga ngũtũgĩrie ee?
Ndimandi cia watho Mwathani-ĩĩ
Nĩũhingĩtie ithenya-inĩ riitũ

Nguuga atĩa tiga ngũthathaiye-ĩĩ?
Ngũina atĩa tiga ngũtũgĩrie ee?
Ndimandi cia watho Mwathani-ĩĩ
Nĩũhingĩtie ithenya-inĩ riitũ