Tutigucokera Kimera By John De’Mathew

Rĩrĩa ũkũrĩa na ũkanyua ĩraga Ngai nĩ thengiũ
No ũririkane kũrĩ angĩ mararaga matarĩte
ũngĩkagia na kĩmera irio wũihũrie makũmbĩ
Kũrĩ maarĩirwo nĩ riũa cikĩũma itaumite tuuta

Na inyuĩ atongoria rĩrĩa mũratumũra kanua
Mũkaria ciugo ingĩtuma ĩĩ bũrũri ũyũ wage thayũ
Ngũria ithuothe twathira mũgoka gwatha nyamũ
Na mũmenye gwĩ kĩrumi ĩĩ kĩrũhĩrie wĩathi ũyũ

Na inyuĩ arĩa mũgwetaga Kĩmathi o na mĩromo,
Nĩciĩko cianyu irathũkia wĩra ũrĩa akuĩrĩire
Rwĩmbo rũrũ rũmakie ngoma ciake ciũkĩre
Rũgarũranie mahiga ĩĩ ciũra cicinwo nĩ riũa

Mũthoniwa wĩthare gwaku kũrĩ na hiti
Ngoroinĩ na yohereirwo gĩcinga kĩrĩ na mwaki
Cong’e ũrĩa ũngĩ ahoeire maaĩ nĩ warumire
Ũkũhoria mwaki nakĩĩ na nĩũkũnina indo ciaku,

Ngai nĩ agĩtũmbire na ũgĩ kũrĩ nyamũ
Tũkũranage maũndũ na tũgayage mahinda
Marĩa twaneyonera tũtikariganĩrwo
Mũndũ ũmwe ndagatũcokia ĩĩ kĩmerainĩ twĩrĩgĩte

Mwanake ũtanakoma wĩtagie Ngai hinya
Ndũgakome kĩng’oroto nja nĩ ĩgĩaga mũkubio
Umaga gũtara mburi ũgatigĩrĩra cirĩ oho
Tondũ na wehokia thoguo ĩĩ megutha nĩmathirĩte

Ũthamaki ũyũ ũraruma nĩmũtarĩre mahinda
Na marĩ kĩhengereinĩ twĩrĩga kũhĩtũkia
Ũngĩtũhũrithania nĩkĩ na ihinda nĩ rĩũku
Na ndũgatuma kĩrĩndĩ kanua ũi kana maitho

Ũcio mũthiritiguo ũkũhĩtithĩtie njĩra
Agakuonia hena kĩndũ ĩĩ ũngĩona mũrango wa thutha
Ũthiĩ ũkorie Njoroge wa Uganda akũhe ndeto
Nĩwe ũtũtũirie na reli ĩĩ ngũrũ kũrĩ maithe maitũ

De’Mathew ũndũ nyinaga thũũ ciakwa ikambũrũrũka
Nĩ ciugo ici ciakwa cia maa ĩĩ kũmahutia ngoro thĩiniĩ
No ihinda nĩ rĩkinyu gĩciko gĩtwo gĩciko
Ũndũ kĩagarũrwo rĩtwa tũtiĩguna njiarwa ciitũ

Wĩyathi nĩ ũheyanwo wa kwaria na kwandĩka
No kanua keere Ngai ĩĩ gĩtuohere matamu
Nainyuĩ arĩa tũĩ Ngai tũmunĩre maru maitũ
Bũrũri ũyũ wĩ indo nyĩngĩ na no citũigane ithuothe

Mũgũnda ũyũ twarĩma twĩ nawe ithe wa Nyawĩra
No nginya tũtige twa handa ĩĩ tũraria cikunũke
Tũngĩkaga megutha tũgakorwo mabukuinĩ
Wĩathi witũ ũgakũra ĩĩ na wende kuongererwo ũngĩ

Menya athekaga rĩrĩa thakame ĩragĩitĩka
Amenyage hitira arĩ o-kuo na ũmũthĩ ũyũ ndagĩtũire
Nĩngĩ o rĩu wĩ busy mũndũ akĩhuria na gake
Kĩnyitĩre Ngai itemi ĩĩ nĩguo tũtũre na thayũ