John De’Mathew – Niwathire Ukindiga Lyrics

Leta leta aaa

Nĩwagĩthire ndari ũkĩndiga
Ona hatarĩ ihĩtia ndahĩtĩtie
Ndakwĩra twarĩrĩrie ũkĩrega
Na no wagĩtũraga ugaga gwakwa ndũkenjerwo mbuĩ
No ti thĩna watigire o rĩrĩa ndatongire

Nĩndakũrũmĩrĩire oro kwanyu
Ndarumirwo nĩ nyũkwa niĩ ngĩona na kanua
Makĩnjĩra kĩrĩa ndamaracĩirie
Ndare na athuri a gwitũ ndĩmatũmĩre bill ĩyo mandĩhe
Na ngĩrwo ingĩgaturia kwanyu no kaburi

Mũndũ egũthũra ũrĩa ũngĩ maĩ wenie
Etuaga ta mũrũthi ũriaga matharigo
Ngũigua thoguo aroigire nĩũhĩnjĩte
Ndamenya ndĩragũtuagĩra ta ndume ngendia Ndicemba
Aciari gũtũrĩka no ta acio aku ĩĩ wũiyĩ

Na njogu ndĩremagwo nĩ mĩguongo
Ũgĩthiĩ watigire mwana ũyũ mataneti
Ndakorire akĩrĩra atarĩ mwene
Nderwo nĩwe watiga ngĩmuoya atũragio nĩ mũnyonyi
Wamũikagia irima-inĩ Ngai akĩmwanĩrĩria

Cama cama

Ĩngĩgaciara mwana ahane tawe
Ngamũhihinya maitho anjehererie kĩgio
Na thiĩ ngamũikie rũũĩ rwa Thagana
Arĩo nĩ ing’ang’i ndikanone mĩtugo ta yaku rĩngĩ
Ndingĩenda mwana wongoete wũũi o ta nyoka

Ĩngĩgaciara mwana ahane tawe
Ngamũhihinya maitho anjehererie kĩgĩo
Na thiĩ ngamũikie rũũĩ rwa Thagana
Arĩo nĩ ing’ang’i ndikanone mĩtugo ta yaku rĩngĩ
Ndingĩenda mwana wongoete wũũi o ta nyoka

Nĩwagĩthire ndari ũkĩndiga
Ona hatarĩ ihĩtia ndahĩtĩtie
Ndakwĩra twarĩrĩrie ũkĩrega
Na no wagĩtũraga ugaga gwakwa ndũkenjerwo mbuĩ
No ti thĩna watigire o rĩrĩa ndatongire