Halleluja Lyrics by Lizz Guchuh

Mwathi wee ũtauragia mbura wĩnyotore,
Kana ũkameria kĩmera wee wĩhũnie,
Mũnyotori na mũhũnia wa Ngoro ĩno,
Ndagũthathayia Ngai nandakũgooca.

Hallelujah nĩndagũkumia,
Hallelujah ũrokĩgocwo
Hallelujah nĩyaku Mwathi,
Hallelujah ndakwambararia

Ũtũĩkĩte wũira wa ngoro ĩno yakwa,
Wũira ti nyũmba kana makaari ma goro,
Thakame ya gatũrũme ka ũthingu,
Gĩtumi gĩa kuoherwo mehia kaimana.

Hallelujah nĩndagũkumia,
Hallelujah ũrokĩgocwo
Hallelujah nĩyaku Mwathi,
Hallelujah ndakwambararia

Ũtũhete kĩrĩa tũtaheirwo nĩ ciĩko,
Mũrũguo akĩhotha ihotha rĩmwe rĩega,
Wathĩki wake ũgĩtuĩka ũhonio witũ,
Kĩheo kĩrĩa Ngai tũterĩhĩra.

Hallelujah nĩndagũkumia,
Hallelujah ũrokĩgocwo
Hallelujah nĩyaku Mwathi,
Hallelujah ndakwambararia

Mũihũri wa mawega mothe Mwathani,
Thĩiniĩ wa Mũrũguo ithuĩ tũgetongera,
Tũgakĩoya moko maitũ naigũrũ,
Tũkaina Ngai rwĩmbo rwa rĩtwa rĩaku.

Hallelujah nĩndagũkumia,
Hallelujah ũrokĩgocwo
Hallelujah nĩyaku Mwathi,
Hallelujah ndakwambararia

573 Views

You may also like ...

No comment

Leave a Reply

Your email address will not be published. Required fields are marked *

error: The Content is protected !!