Jesũ akinya itũũra-inĩ
Rĩa kwao akĩanjia kũrutana thinagogi-inĩ
Nao arĩa mamũiguire
Makĩmaka makĩgega makĩũrania atĩrĩ
Mũndũ ũyũ arutĩre ũũgĩ ũyũ na ciĩko ici ciothe kũ
Na githĩ ũyũ ti mũrũ wa fundi ũrĩa tũroĩ wa mbaũ

Nomarĩmaka, nomarĩgega, mona ũrĩa Ngai akwambararĩtie
Nomarĩmaka, nomarĩgega, mona ũrĩa Ngai akwambararĩtie

Makĩanjia kũũrania ciũria
Na githĩ ũyũ nyina ti ũrĩa wĩtagwo Mariamu
Ningĩ mũrũ wa nyina
Na githĩ ti Jakubu o hamwe na Joseph
Ona Simeoni o na Judas andũ oothe nĩtũmooĩĩ
Magĩkĩheana rũgano kũringana na ũrĩa makĩmũũĩĩĩ

Nomarĩmaka, nomarĩgega, mona ũrĩa Ngai akwambararĩtie
Nomarĩmaka, nomarĩgega, mona ũrĩa Ngai akwambararĩtie

Ihinda nĩrĩkinyĩte
Ngai agũtĩithie kũrĩa ũtũire ũnyararĩtwo
Manjie kũmaka makĩũraa’nagia nagithĩ ũyũ ti mũndũ ũrĩa tũrooĩ
Mũciĩ kwao, aciari aake na arĩa maciaranĩirwo othe nĩtũmooĩĩ
Akinya haha atĩa na nĩtũũĩĩ ona gĩthomo ndarĩkirie

Nomarĩmaka, nomarĩgega, mona ũrĩa Ngai akwambararĩtie
Nomarĩmaka, nomarĩgega, mona ũrĩa Ngai akwambararĩtie

Arĩa moigire ndũkoima gĩtanda-inĩ nĩ ndwari
Nomarĩmaka, nomarĩgega, mona ũrĩa Ngai akwambararĩtie
Arĩa moigire ndũkagĩa mwana atĩ wĩ thata
Nomarĩmaka, nomarĩgega, mona ũrĩa Ngai akwambararĩtie
Arĩa moigire ndũkoima gĩcagi ũgakuĩrĩra kuo
Nomarĩmaka, nomarĩgega, mona ũrĩa Ngai akwambararĩtie