Kĩrĩma-inĩ kĩa mĩtamaiyu,
Ndahotire kũhitha kĩeha gĩake,
Nĩonekire arĩ na ruo rũingĩ,
Akĩhoya na kĩgirĩko kĩingĩ,
Ahoire o nginya agĩthithina,
Matata mahanaga ta thakame,
Matata mahanaga ta thakame.

Nĩatihangirio nĩũndũ wa mehia maitĩ ĩ,
Agĩtũkuĩra waganu witũ ĩ,
Agĩtuohora tũkĩgĩa na wĩyathi,
Tũkĩhonera nguraro-inĩ ciake,
Tũkĩhonera nguraro-inĩ ciake.

Abba Baba korwo kwahoteka,
Njehereria gĩkombe gĩkĩ,
Jesu akiuga no ti wendi wakwa ĩ,
No reke wendi waku wĩkĩke ĩ,
Nĩ ũrĩa watwendete ndwamwehereirie,
Ũgĩtũmana akĩongererwo hinya, (Ngai)
Ũgĩtũmana akĩongererwo hinya.

Nĩatihangirio nĩũndũ wa mehia maitĩ ĩ,
Agĩtũkuĩra waganu witũ ĩ,
Agĩtuohora tũkĩgĩa na wĩyathi,
Tũkĩhonera nguraro-inĩ ciake,
Tũkĩhonera nguraro-inĩ ciake.

Na akinyio mbere ya Pilato,
Pilato akĩũria ndĩmuohorere ũũ,
Makiuga tuohorere Barnaba-ĩ,
Makiuga Jesu ambwo mũtĩ igũrũ-ĩ
Mũhonokia wakwa agĩkua ta mũici,
Ona atehĩtie akĩũragwo ta mwĩhia,
Ona atehĩtie akĩũragwo ta mwĩhia.

Nĩatihangirio nĩũndũ wa mehia maitĩ ĩ,
Agĩtũkuĩra waganu witũ ĩ,
Agĩtuohora tũkĩgĩa na wĩyathi,
Tũkĩhonera nguraro-inĩ ciake,
Tũkĩhonera nguraro-inĩ ciake.

Eloi Eloi Lama Sabakithani,
Ngai wakwa ũndiganĩirie nĩkĩ,
Nĩguo ahoire atanatuĩkana-ĩ,
Agĩkua agĩthikwo no akĩriũka-ĩ,
Kaburi gatingĩamũhingĩrĩirie,
Nĩariũkire na hinya na wathani,
Nĩariũkire na hinya na wathani.

Nĩatihangirio nĩũndũ wa mehia maitĩ ĩ,
Agĩtũkuĩra waganu witũ ĩ,
Agĩtuohora tũkĩgĩa na wĩyathi,
Tũkĩhonera nguraro-inĩ ciake,
Tũkĩhonera nguraro-inĩ ciake.

Halellujah Kristo rĩu nĩmũriũku,
Halellujah rĩu ndarĩ kaburi-inĩ,
Nanĩkĩo nĩtwĩgwatĩire muoyo-ĩ
Tũtingĩrumwo tũrĩ arathime-ĩ,
Tũtirĩ ngombo rĩu tũrĩ ohore,
Tũtirĩ agũkua rĩu tũrĩ a muoyo-inĩ,
Tũtirĩ a gũkua rĩu tũrĩ a muoyo-inĩ.

Nĩatihangirio nĩũndũ wa mehia maitĩ ĩ,
Agĩtũkuĩra waganu witũ ĩ,
Agĩtuohora tũkĩgĩa na wĩyathi,
Tũkĩhonera nguraro-inĩ ciake,
Tũkĩhonera nguraro-inĩ ciake.