Wendi Waku Lyrics by Joy Janet

Jesu akĩambata Gethsamane
Ihinda rĩa gũkua rĩakuhĩrĩria
Aihũirwo nĩ ruo na kĩeha ngoro
Ona e mwana waku agĩkũhoya

Baba korwo kwahoteka ũnjigue
Ũnjehererie gĩkombe kĩa ruo
Gĩkĩ kĩihũirwo nĩ maithori maingĩ
No makĩria wendi waku ũrohinga

Ndĩ waku ndĩ wothe ũrĩa ũgwĩka naniĩ
Ũhũthĩraga nĩguo wĩgocithie
No tiniĩ ndũmaga ũtuĩke Ngai
Warĩ o kuo na no ũtũũre itarĩ ho
Ihoya rĩakwa nĩ ũndũrie gwaku
Hakuhĩ nawe nĩho ndethurĩra

Wagurĩirie Paulu manene
No ũkĩrega akeraha namo
Ũkĩmwĩkĩra mũigua thĩiniĩ wake
Ũmũthinagie ndakanetĩye

Agĩkũhoya maita matatũ ũũrute
Ũkiuga hau nĩho ũgocagĩrwo
Hinya waku ũkoneka kũrĩa gũtarĩ
Ũhinyaru-inĩ ũkagocerwo kuo

Ndĩ waku ndĩ wothe ũrĩa ũgwĩka naniĩ
Ũhũthĩraga nĩguo wĩgocithie
No tiniĩ ndũmaga ũtuĩke Ngai
Warĩ o kuo na no ũtũũre itarĩ ho
Ihoya rĩakwa nĩ ũndũrie gwaku
Hakuhĩ nawe nĩho ndethurĩra

Wamũheire kĩrathimo kĩa mwana
O ũrĩa etereire miaka mĩingĩ
Ũkĩenda gũthima wĩtĩkio wake
Ũkĩmwatha amũrute ta igongona

Agĩathĩka na akĩenda kũmũnina
Endaga o wendi waku ũhinge
Ũkĩmũhe ndũrũme ya igongona
Na hau wendi waku ũkĩhinga

Ndĩ waku ndĩ wothe ũrĩa ũgwĩka naniĩ
Ũhũthĩraga nĩguo wĩgocithie
No tiniĩ ndũmaga ũtuĩke Ngai
Warĩ o kuo na no ũtũũre itarĩ ho
Ihoya rĩakwa nĩ ũndũrie gwaku
Hakuhĩ nawe nĩho ndethurĩra

Nĩ ũnjĩtĩire wĩra wa kũruta
Na ũrĩa ngũhingia nĩ ũrĩa ũkũnjĩra
Njĩra ngũgera nĩwe ũgũcagũra
Arĩa ngũthiĩ nao nowe ũkuuga

Kũrĩa ũrandwara ndirĩ ndathiĩ ndikũũĩĩĩ
Na ndehoka ũũgĩ wakwa ndwĩndongoria
Nokĩo ngwenda gũtwarana nawe
Wendi waku igũrũ rĩakwa ũhingage

Ndĩ waku ndĩ wothe ũrĩa ũgwĩka naniĩ
Ũhũthĩraga nĩguo wĩgocithie
No tiniĩ ndũmaga ũtuĩke Ngai
Warĩ o kuo na no ũtũũre itarĩ ho
Ihoya rĩakwa nĩ ũndũrie gwaku
Hakuhĩ nawe nĩho ndethurĩra

Ndĩ waku ndĩ wothe ũrĩa ũgwĩka naniĩ
Ũhũthĩraga nĩguo wĩgocithie
No tiniĩ ndũmaga ũtuĩke Ngai
Warĩ o kuo na no ũtũũre itarĩ ho
Ihoya rĩakwa nĩ ũndũrie gwaku
Hakuhĩ nawe nĩho ndethurĩra