Nĩwahereire Isiraeli irio werũ-inĩ
Kũndũ gũtarĩ mĩgũnda na gũtarĩmagwo
Kũndũ gũtauraga mbura na gũtatũũragwo
Ũkĩonania hinya na ũhoti nĩ waku Ngai

Na nĩguo Ngai,
Wĩ hinya nama,
Wĩgocithagĩria ona harĩa hatarĩ njĩra

Joshua Caleb wamahithire kwa maraya
Waganu-inĩ ũkĩonania hinya na ũhoti waku
Nĩ wũiru-inĩ mũndũ waku nama atongagĩra
Nĩ bũrũri wa ũgeni andũ aaku mathamakaga

Na nĩguo Ngai,
Wĩ hinya nama,
Wĩgocithagĩria ona harĩa hatarĩ njĩra

Jusufu niwe wathamakire arĩ ũgeni-inĩ
Mordecai akĩneneha aarĩ ũgeni-inĩ
Iburahimu athama kwao nĩ atongire mũno
Jakubu kwa Labani nĩ atheremire o mũno

Na nĩguo Ngai,
Wĩ hinya nama,
Wĩgocithagĩria ona harĩa hatarĩ njĩra

Nyoni itirĩmaga no nĩ irĩaga ikahũna
Itirĩ moko na nĩciayakagĩra itara
Mũndũ waku no ahũne ona atoete mũro
Mũndũ waku no atonge ona atagaĩte kwao

Na nĩguo Ngai,
Wĩ hinya nama,
Wĩgocithagĩria ona harĩa hatarĩ njĩra

Mũndũ waku no aumwo na ndwere ciothe nĩ thũ
Elisha mamũrigicĩirie atĩ mamũrage
Ũkĩmahũra no ũtumumu matiamuonire
Ũkĩgocithia na hinya na ũhoti waku Ngai

Na nĩguo Ngai,
Wĩ hinya nama,
Wĩgocithagĩria ona harĩa hatarĩ njĩra

Ndũroraga gĩthithi kana ũthaka wa mũndũ
Mũhĩrĩga wake kana kũrĩa we aciarĩirwo
Kĩambĩrĩria gĩaku no gĩkorwo gĩ kĩũru ma
Marigĩrĩrio ũtuĩke mũthamaki bũrũri

Na nĩguo Ngai,
Wĩ hinya nama,
Wĩgocithagĩria ona harĩa hatarĩ njĩra

Daudi oragire Goliathũ ona arĩ mũnini
Musa akũrire Isiraeli agĩtondoiraga
Jabezu wamũrathimire ona arĩ mũnini
Ũkĩonania hinya na ũkĩmwaramĩria mĩhaka

Na nĩguo Ngai,
Wĩ hinya nama,
Wĩgocithagĩria ona harĩa hatarĩ njĩra

Nĩwahereire Isiraeli irio werũ-inĩ
Kũndũ gũtarĩ mĩgũnda na gũtarĩmagwo
Kũndũ gũtauraga mbura na gũtatũũragwo
Ũkĩonania hinya na ũhoti nĩ waku Ngai

Na nĩguo Ngai,
Wĩ hinya nama,
Wĩgocithagĩria ona harĩa hatarĩ njĩra