Kaini rĩrĩa oragire mũrũ wa nyina Habiri,
Agĩciria nĩehithĩte aiguire mũgambo wamũria,
Kaini mũrũ wa nyũkwa habiri arĩ kũ?
Amũcokeirie niĩ tiniĩ mũmũmenyereri.

Wee ũtũire wikaga maũndũ mooru na hitho
Ũgĩciria nĩwĩhithĩte mũno Ngai ndonaga,
Hĩndĩ ĩrĩa mothe makaguũrio moimbũke,
Nĩguo ũkamenya aa kũna mehia ti mũrataguo.

Ngai nĩonire Anania makĩendia gĩthaka,
Ona makĩgaira mbia imwe no onaga tu,
Ona makĩhenia roho nĩaiguaga,
Makuire o eerĩ magĩthikwo rũciinĩ rũmwe.

Wee ũtũire wikaga maũndũ mooru na hitho
Ũgĩciria nĩwĩhithĩte mũno Ngai ndonaga,
Hĩndĩ ĩrĩa mothe makaguũrio moimbũke,
Nĩguo ũkamenya aa kũna mehia ti mũrataguo.

Judasi acira na athinjĩra Ngai na athuri,
Akĩmenderia Mwathani thendi mĩrongo ĩtatũ,
Amatongoirie makinya Gethsamane,
Mwathani amwĩrire Judasi ĩka ũrĩa wakũrehe.

Wee ũtũire wikaga maũndũ mooru na hitho
Ũgĩciria nĩwĩhithĩte mũno Ngai ndonaga,
Hĩndĩ ĩrĩa mothe makaguũrio moimbũke,
Nĩguo ũkamenya aa kũna mehia ti mũrataguo.

Mehia maku ona mangĩaga kũmenyeka nĩ andũ a thĩ,
Ũũru waku ona ũngĩhitha ciĩko nĩikumbũraga,
Ngai aroiga ndakareka mũndũ mwĩhia,
Onake athiĩĩ o ũguo airĩrie atarĩ mũherithie.

Wee ũtũire wikaga maũndũ mooru na hitho
Ũgĩciria nĩwĩhithĩte mũno Ngai ndonaga,
Hĩndĩ ĩrĩa mothe makaguũrio moimbũke,
Nĩguo ũkamenya aa kũna mehia ti mũrataguo.

Mwĩhoko wa mũndũ ũgerekanĩtio na itumbĩ
Itumbĩ rĩngĩkua rĩticokanaga ũrĩa rĩarĩ,
Namo mehia matonya thĩiniĩ wa mũndũ
Maninaga mwĩhoko ta ũyũ ũtharĩtio n araba.

Wee ũtũire wikaga maũndũ mooru na hitho
Ũgĩciria nĩwĩhithĩte mũno Ngai ndonaga,
Hĩndĩ ĩrĩa mothe makaguũrio moimbũke,
Nĩguo ũkamenya aa kũna mehia ti mũrataguo.