Ngai ũngĩenda mũndũ wagũtwaranaga nake
Mũndũ ũtarĩ ngarari,nyita guoko tũtwarane
Wamũcaria gũgũthayia ma na roho
Gũgũtĩithia thĩ njũkire ũndue ũguo ũtariĩ

Ngai ũngĩenda mũndũ ũngĩkũrũmĩrĩra ta Ruthu
Njũkire haha ũndue o matigari

Wĩmũtheru, Wĩmũtheru
Adonai mũthamaki wa athamaki
Wĩmũtheru, Wĩmũtheru
Nowe tu nduĩte Ngai wakwa

Rũciaro-inĩ rũrũ wacaria mũndũ ũngĩkũhe indo ciothe
Mũndũ ũrĩ wĩtĩkio ũndue ta Iburahĩmu
Wamũmatha mũndũ ũtangĩhaka ũthingu gĩko
Mũkinyĩra nginyo ciaku, ũndue ta Enoko

Wetana ũgĩcaria mũndũ mwĩnyihia ũngĩtũma Ngai
O ta Musa kĩhinga kĩa ngoro ĩno cina

Wĩmũtheru, Wĩmũtheru
Adonai mũthamaki wa athamaki
Wĩmũtheru, Wĩmũtheru
Nowe tu nduĩte Ngai wakwa

Nacio irĩma no ithame ciume ciikaro ciacio
Mahiga namo no maharũrũke moime ng’ongo ciamo mathiĩ mĩkuru
No kiugo gĩaku nĩ kĩa ma, ũrĩa woiga ndwĩricũkagwo
Na nĩ ũtũire ũrĩ mwĩhokeku,ndĩriragĩria kuona ũguo ũtariĩ

Wĩmũtheru, Wĩmũtheru
Adonai mũthamaki wa athamaki
Wĩmũtheru, Wĩmũtheru
Nowe tu nduĩte Ngai wakwa

Ngai ũngĩenda mũndũ ũngĩiga thiri ciaku cia igũrũ
Mũrata mwĩhokeku ndua Johana wa Patimo
Wamũcaria mũndũ ũngĩiga irĩko ũrĩa mweranĩra
Mũrata ũtarĩ ngarũkũ ũhe ngoro ta ya Jefitha

Wĩmũtheru, Wĩmũtheru
Adonai mũthamaki wa athamaki
Wĩmũtheru, Wĩmũtheru
Nowe tu nduĩte Ngai wakwa

Wĩmũtheru, Wĩmũtheru
Adonai mũthamaki wa athamaki
Wĩmũtheru, Wĩmũtheru
Nowe tu nduĩte Ngai wakwa