Ngwambata irĩma nyone ũthiũ waku
Na kũrĩa kũriku ngĩgũcaria
Arĩrĩa ngoro ĩno yakwa nĩĩkwĩrirĩirie wee
Honokia werũ-inĩ ũyũ ũrĩ gĩkuũ nĩ ũũũĩĩĩ
Ndiũĩ Ngai ĩngĩ nowe ngocaga mũthamaki
He ngoro ĩno yakwa kĩhurũko

Rĩu ngũkwĩhoka ota mwana
Nduĩke rũkenge moko-inĩ maku
Njokia wendo-inĩ ũcio witũ wa kĩambĩrĩria
Rĩrĩa ndakwendaga ota mwana
Wee Ngai, na ngakwĩhoka itegũthangania

Woigire nĩũkandua na matigari
Ona kũrĩ gĩko na magigi
Ona thĩ yainamia ũthiũ ĩkwagĩre wĩhokeku
Woigire ndũkeagĩra mũkwĩhoki njehereria
Iherithia na mawĩra ma ndagoni mũhonokia
Ninĩra thuti ũyũ wa irio cia ngoma
Nĩ kĩrumi kwambia na roho ũkarĩkia na mwĩrĩ

Rĩu ngũkwĩhoka ota mwana
Nduĩke rũkenge moko-inĩ maku
Njokia wendo-inĩ ũcio witũ wa kĩambĩrĩria
Rĩrĩa ndakwendaga ota mwana
Wee Ngai, na ngakwĩhoka itegũthangania

Dhahabu na fedha itiĩnyotora
Rĩtwa inene na ngumo itiĩng’una
Wariĩ wa mĩgũnda na mbuloti cia Nairobi
Itirahe thayũ ũrĩa ndeciragia ndagĩa nacio,
Nĩikahe thayũ na kĩhurũko ici dhahabu
Itikeherie ngoro ĩno hari wee

Nĩndagithia ũmenyo wakwa kĩene
Ndanyarara ũgĩ ũyũ na ũmenyo
Ndacina mĩhianano ngwĩrahagĩre owe tu
Mũkwĩhoki ũmũtongagia ngoro ũka rĩu
Ũgĩe gĩikaro ngoro-inĩ yakwa
Makũmbĩ ma ngoro yakwa ũka wũikare kuo

Rĩu ngũkwĩhoka ota mwana
Nduĩke rũkenge moko-inĩ maku
Njokia wendo-inĩ ũcio witũ wa kĩambĩrĩria
Rĩrĩa ndakwendaga ota mwana
Wee Ngai, na ngakwĩhoka itegũthangania

He kĩama kĩranjĩtire mũcemanio
Ndaria cia Jesu ngĩrwo icio no ng’ano
Iria twaganagĩrwo nĩ mũthũngũ wa tene
Akĩenda tĩĩri wa mũgĩkũyũ
Mĩgũnda twacokerio tũkĩmĩtua Ngai
Menyerera kĩu wenda kwĩ Ngai nĩ mũhianano

Rĩu ngũkwĩhoka ota mwana
Nduĩke rũkenge moko-inĩ maku
Njokia wendo-inĩ ũcio witũ wa kĩambĩrĩria
Rĩrĩa ndakwendaga ota mwana
Wee Ngai, na ngakwĩhoka itegũthangania

Ũka ũhonie ngoro ici nĩ hũthũ
Nyota ĩno ya kũihũria makũmbĩ
Nĩkuona thĩ ĩno ĩrĩ thaka ta tũgũtũũra kuo
Nginya tũkariganĩrwo nĩwe
Ici ngoro ikahana mĩhuko mĩtũrĩku
Itiganagĩra ndeithia gũtara matukũ makwa

Cũcũ witũ anjĩtirie chai akĩwũita thĩ
Ngĩmũria kaĩ chai ũtana gũkenia
Akiuga nonginya ahũnie aagu na maithe ma tene
Marakara metagia thakame
Woi Ngai tũhonokie ũkombo-inĩ wa ngomi
Mĩgiro na irumi cia ndĩra tũthamakĩre

Rĩu ngũkwĩhoka ota mwana
Nduĩke rũkenge moko-inĩ maku
Njokia wendo-inĩ ũcio witũ wa kĩambĩrĩria
Rĩrĩa ndakwendaga ota mwana
Wee Ngai, na ngakwĩhoka itegũthangania