Ng’ethe Steve – Ndaumiriire Gwaku Lyrics

Elohimu rwĩmbo rũrĩa ndaiguire
Mũthenya ũrĩa ngoro yakwa yainamĩteee
Ebenezar tũmaaĩ tũrĩa ndanyuire ee
Mũthenya ũrĩa ndang’arĩire rũngũrĩ-inĩ
Gĩcoka gĩaku nĩkĩo kĩagathũranirie
Icooki rĩrĩa rĩandũirie ũkombo-inĩ mũingĩ.

Nĩngenaga nĩ ũrĩa ndoimĩrĩire gwaku
Mũthenya ũrĩa ndatururĩire werũ-inĩ
Nĩnjũĩ njĩra no ĩtware mũndũ kũingĩ
No nginyo ciakwa cikĩnjerekeria gwaku
Ngai mũcamo mwega ũtacambicũkaga

Ndakinya gwaku ndaikarire kĩhingo-inĩ
No wendo waku nĩwanyitire mĩgwate
Ngĩkuhĩrĩria matũ makwa magĩkũigua
Na ngĩiguithĩka nĩwagĩrĩire ngoro ĩno
Rita rĩa mbere we wahĩmbĩirie na moko
No nĩniĩ ndare’geire gĩthũri-inĩ gĩaku

Nĩngenaga nĩ ũrĩa ndoimĩrĩire gwaku
Mũthenya ũrĩa ndatururĩire werũ-inĩ
Nĩnjũĩ njĩra no ĩtware mũndũ kũingĩ
No nginyo ciakwa cikĩnjerekeria gwaku
Ngai mũcamo mwega ũtacambicũkaga.

O harĩa ngoro yacayagĩra nĩ ruooo
Noho yokire kuonana na wendo waku
Ndacemanirie na ũtugi waku rũciinĩ
Ngĩriganĩrwo nĩ ũtukũ wa mĩnyamaro
Wanyũnganirie tũcunjĩ ũkĩnyũmba rĩngĩ
Kĩndeithie ndũũre ũtugi-inĩ waku thĩiniĩ

Nĩngenaga nĩ ũrĩa ndoimĩrĩire gwaku
Mũthenya ũrĩa ndatururĩire werũ-inĩ
Nĩnjũĩ njĩra no ĩtware mũndũ kũingĩ
No nginyo ciakwa cikĩnjerekeria gwaku
Ngai mũcamo mwega ũtacambicũkaga.

Mũndũ e werũ-inĩ nĩ njĩra ĩrĩkũ atangĩoya
Ona gũtuĩka ndoĩ ĩkũmũitĩrĩra kũ
No reke njuge mũnyaka nĩ igai rĩakwa
Ndatururire ngĩkora njara-inĩ ciaku
Ingĩgĩtũũra gwaku ndirĩ na hathara
Wee wanguire tha rĩrĩa ndaikĩtio na kĩano

Nĩngenaga nĩ ũrĩa ndoimĩrĩire gwaku
Mũthenya ũrĩa ndatururĩire werũ-inĩ
Nĩnjũĩ njĩra no ĩtware mũndũ kũingĩ
No nginyo ciakwa cikĩnjerekeria gwaku
Ngai mũcamo mwega ũtacambicũkaga.

Wetĩkĩrire gũtambũrũkia mathagu
Na ũkĩhumbĩra ndũũre njarahaga gwaku
Ndwairirio ngoro nĩ ironda na nguraro iria
Ndagurarĩirio imamo-inĩ cia arĩa atendi
Wĩ mũrigiti na muohi wa matihangio
Nĩkĩo ndehĩta ngũtũũra ndĩ mũira waku

Nĩngenaga nĩ ũrĩa ndoimĩrĩire gwaku
Mũthenya ũrĩa ndatururĩire werũ-inĩ
Nĩnjũĩ njĩra no ĩtware mũndũ kũingĩ
No nginyo ciakwa cikĩnjerekeria gwaku
Ngai mũcamo mwega ũtacambicũkaga.

Nĩngenaga nĩ ũrĩa ndoimĩrĩire gwaku
Mũthenya ũrĩa ndatururĩire werũ-inĩ
Nĩnjũĩ njĩra no ĩtware mũndũ kũingĩ
No nginyo ciakwa cikĩnjerekeria gwaku
Ngai mũcamo mwega ũtacambicũkaga.