Ni Hari Undu Utigarite Lyrics By Njeri Wa Muigai And Wanjiku Wa Muigai Ft Sammy K

Tũrĩ matukũ marĩa merirwo atĩ matikĩrĩ na thayũ
Warora rũgũrũ na nginya itherero gũtirĩ na thayũ
Wawetha mĩciĩ-inĩ na mawĩra-inĩ ona bũrũri wothe
Woiiĩĩya wakwa thayũ nĩwombũkire ũgĩthiĩ ta ndogo

Mĩtangĩko ĩkĩingĩha thĩna na mĩrimũ mĩthemba yothe
Kĩeha na kĩrĩro gĩgĩtuĩka kĩingĩ gũkĩra mĩtheko
Wona mũthenya mwerũ ndũmenyaga kana nĩũrĩtukithia
Ngoro ikĩaga mwĩhoko ma ta gũtarĩ ũndũ ũngĩ ũtigarĩte

No nĩmenyete hitho na ngamenya harĩ ũndũ ũtigarĩte
Nanĩguo ũheaga hinya niĩ ngahota gũthiĩ nambere
Kũgĩa ndũgũ na Ngai na kũmenyagĩrĩra ũrata witũ
Nĩ ũndũ ũrĩa ũtigarĩte wa gwĩkĩra kanua gakwa mĩtheko

Gũtirĩ ũndũ mũritũ ta kũmenya ndũrĩ ũndũ ũtigarĩtie
Thĩna ũrĩa ũragerera ma gũtirĩ mũndũ ũngĩũtaũkwo
Ti mũciari ti arata ona kana arĩa makũrigicĩirie
Ũgakinya mũico waku nginya ũkaga bata wa mũtũrĩre

Tiga gũkinya mũico mami kũrĩ na ũndũ ũngĩ ũtigarĩte
Igũrũ rĩa maũndũ mothe wĩrute kũgocaga Ngai
Na tondũ nĩ irio ciake na aikaraga kĩgocooinĩ kĩa andũ aake
Mũgocere ruoinĩ no egũka na akinya acenjie maũndũ

No nĩmenyete hitho na ngamenya harĩ ũndũ ũtigarĩte
Nanĩguo ũheaga hinya niĩ ngahota gũthiĩ nambere
Kũgĩa ndũgũ na Ngai na kũmenyagĩrĩra ũrata witũ
Nĩ ũndũ ũrĩa ũtigarĩte wa gwĩkĩra kanua gakwa mĩtheko

Kwĩ hĩndĩ yanakinya nama ũkoona ta gũtarĩ Ngai
Ciugo cia gwĩcokia na kwĩmena ikaiyũra kanuainĩ gaku
Hĩndĩ ĩyo ũgacinwo nĩ maithori ma ngoro ona ma mwĩrĩ
Naruo rũciũ rwaku ũkoona rũihũire nduma na kĩgirĩko

Ndũkae gũkua ngoro nĩ harĩ na ũndũ ũngĩ ũmwe ũtigarĩte
Ndũgetĩkĩre kanua gaku karie ũhoro wa ruo rwaku
Nĩwega warahũke wũihũirwo nĩ ũcamba na hinya mũingĩ
Wambararie Mwathani na ciĩko ciihũirwo nĩ wendo na tha

No nĩmenyete hitho na ngamenya harĩ ũndũ ũtigarĩte
Nanĩguo ũheaga hinya niĩ ngahota gũthiĩ nambere
Kũgĩa ndũgũ na Ngai na kũmenyagĩrĩra ũrata witũ
Nĩ ũndũ ũrĩa ũtigarĩte wa gwĩkĩra kanua gakwa mĩtheko

Ngĩkoma na ngĩũkĩra Mwathi niĩ ngũtũũra ngũthathayagia
Gwĩ thĩna na gĩkeno niĩ ngũtũũra ngocaga rĩtwa rĩaku
Igũrũ rĩa maũndũ marĩa mothe niĩ nguona ndĩ gũkũ thĩ
Ũndũ ũrĩa itangĩenda ũthire nĩ ndugũ ĩrĩa iitũ nawe Mũnyũmbi

Ngĩkoma na ngĩũkĩra Mwathi niĩ ngũtũũra ngũthathayagia
Gwĩ thĩna na gĩkeno niĩ ngũtũũra ngocaga rĩtwa rĩaku
Igũrũ rĩa maũndũ marĩa mothe niĩ nguona ndĩ gũkũ thĩ
Ũndũ ũrĩa itangĩenda ũthire nĩ ndugũ ĩrĩa iitũ nawe Mũnyũmbi

No nĩmenyete hitho na ngamenya harĩ ũndũ ũtigarĩte
Nanĩguo ũheaga hinya niĩ ngahota gũthiĩ nambere
Kũgĩa ndũgũ na Ngai na kũmenyagĩrĩra ũrata witũ
Nĩ ũndũ ũrĩa ũtigarĩte wa gwĩkĩra kanua gakwa mĩtheko

No nĩmenyete hitho na ngamenya harĩ ũndũ ũtigarĩte
Nanĩguo ũheaga hinya niĩ ngahota gũthiĩ nambere
Kũgĩa ndũgũ na Ngai na kũmenyagĩrĩra ũrata witũ
Nĩ ũndũ ũrĩa ũtigarĩte wa gwĩkĩra kanua gakwa mĩtheko