Mawega Lyrics by muigai wa Njoroge

Niĩ nawe tuumanĩtie kũraya
Nĩngũheyana rũgano rwakwa
Ngũcokera ciugo wananjĩra
Ũkanyũmĩrĩria ngirie gũkua,

Nĩwanyũmĩrĩirie ndĩ mũnini
Rĩrĩa thĩna wanjĩhotoreire
Ũkĩnjĩra Ngai ũndũ ũrĩa ũtoĩĩ ĩĩ
No ũrĩaa ũtarĩ ho na ũtagooka

Ndirĩ thĩ na ndirĩ igũrũ mũno
Ndĩ o handũ o ũguo ũnyitĩrĩire
Ngĩambata tũkwambatania nawe
Ngĩgacĩĩra ngacĩĩre twĩ nawe
Ũtũme nyũmbanĩrwo nĩ mawega

Ndũgũ iitũ ĩtũũragio nĩ kwaria
Niĩ Ngai ndũrĩ wandiganĩria
Ũnjaragĩria ũtukũ ndĩ toro
Na mũthenya ngĩthiĩ na magũrũ

Nĩndakũiguire ndĩ itũũra rĩna
Kwa mũndũ njikarĩire ũrĩrĩ-inĩ
Ũkĩnjĩĩra nyume ndeng’erete
Ngai ũkĩhonokia muoyo wakwa

Ndirĩ thĩ na ndirĩ igũrũ mũno
Ndĩ o handũ o ũguo ũnyitĩrĩire
Ngĩambata tũkwambatania nawe
Ngĩgacĩĩra ngacĩĩre twĩ nawe
Ũtũme nyũmbanĩrwo nĩ mawega

Twarĩ nawe rĩmwe Kawangware
Ngĩhĩngĩcwo nĩ gĩkundi kina
Matanandunya wĩtĩkio wakwa
Ngai wakwa ũkĩmaharagania

Kwarĩ ruo arata akwa magĩkua
Makĩenda kuohorwo mĩnyororo
No ndakũũria Ngai wanjĩrire
Atĩ oothe magakua mbere yakwa

Ndirĩ thĩ na ndirĩ igũrũ mũno
Ndĩ o handũ o ũguo ũnyitĩrĩire
Ngĩambata tũkwambatania nawe
Ngĩgacĩĩra ngacĩĩre twĩ nawe
Ũtũme nyũmbanĩrwo nĩ mawega

Rĩa mbere kuona gĩkuũ na maitho
Nĩ kũndũ twahikĩte na maitũ
Gũkĩgĩa mbaara cia gĩkabira
Nyũmba igĩcinwo ũtukũ twĩ toro

Maitũ ahumbire nguo yake
Agĩcooka akĩnguithia mwana
Hane mũtumia ndikoragwo
Tondũ thũ cioragaga tũhĩĩ

Ndirĩ thĩ na ndirĩ igũrũ mũno
Ndĩ o handũ o ũguo ũnyitĩrĩire
Ngĩambata tũkwambatania nawe
Ngĩgacĩĩra ngacĩĩre twĩ nawe
Ũtũme nyũmbanĩrwo nĩ mawega

Ngai ndirĩ ndakũhoya nyũmba
Nĩũĩ tu ndarĩragio no irio
Nĩ tondũ wa ũrĩa twanararĩra
Ona nguo itiarĩ ithabu rĩakwa

Nĩndaiganagĩra na nguo ĩmwe
Kũrarĩra kwarĩ o rwĩmbo rwega
Ũhoro wa kũrĩa na gũtigia
Nĩ indo ndigagwo wandutĩire kũ

Ndirĩ thĩ na ndirĩ igũrũ mũno
Ndĩ o handũ o ũguo ũnyitĩrĩire
Ngĩambata tũkwambatania nawe
Ngĩgacĩĩra ngacĩĩre twĩ nawe
Ũtũme nyũmbanĩrwo nĩ mawega

Rĩu mũndũ angĩiga mbeca harĩa
Nawe Ngai wũikare mwena ũyũ
Ngai ingĩgũthuura ngenete
Ndingĩkũringithania na kĩndũ

Angĩkorwo ũmũthĩ mami e gwake
Gũtikĩrĩ mũndũ ũtangĩgĩa gwake
Gũkũmenya ti gũte mahinda
Ngai wakwa wĩguĩrĩrie andũ aaku

Ndirĩ thĩ na ndirĩ igũrũ mũno
Ndĩ o handũ o ũguo ũnyitĩrĩire
Ngĩambata tũkwambatania nawe
Ngĩgacĩĩra ngacĩĩre twĩ nawe
Ũtũme nyũmbanĩrwo nĩ mawega

Ndirĩ thĩ na ndirĩ igũrũ mũno
Ndĩ o handũ o ũguo ũnyitĩrĩire
Ngĩambata tũkwambatania nawe
Ngĩgacĩĩra ngacĩĩre twĩ nawe
Ũtũme nyũmbanĩrwo nĩ mawega