Matigari Lyrics by Ngugi D

Kĩrĩko gĩaku na Jakubu kĩarĩ ũmũrute Misiri
Ũmwĩtongorerie nginya Kaanani bũrũri wa bũthi
Nĩgetha ũhingie mĩhĩtwa ĩrĩa wee werĩire Iburahimũ
Atĩ bũrũri ũyũ nĩngahe njiarwa ciaku nginya tene

Woii no wee nĩwarakarire mwakinya werũ wa Kadeshi
Isiraeli marĩra ũtukũ mũgima atĩ kwĩna marimũ
Waarĩ ũmanine mathire Musa nĩarũgamire ithenya
Agĩgũthaitha weka ũguo ndũrĩrĩ cikuuga nĩwaremwo

Woii nĩnjũĩ wega Jehovah nĩ marakara wee ũtumĩirie
Tiga nĩ thakame ya mũrũguo nĩ ũngĩrĩ wa tũguũria
Tiga nĩ mũcayo ũrĩa roho atũire akũrĩrĩire naguo
Kwaria ma gũtingĩrĩ matigari rũciaro-inĩ rũrũ

Musa njikara haraya nĩguo ndĩkanie na andũ aya
Ndĩna ũhoti wa gũgũtua rũrĩrĩ rwega makĩria
Musa arũgama ithenya-inĩ rĩa Jakubu ũkĩringwo nĩ tha
Twagũthaitha ndũkanathiĩ o ũguo ndungata igĩgwĩta

Nũũ ũũĩĩ kana nĩũngĩericukirwoo ciugo iria warĩtie
Atĩ gũtirĩ ona ũmwe wao mũgima ũkoona Kaanani
Hihi nĩũngĩagarũrũkire korwo nĩmagĩathĩkire
No ũũhana o ũguo ngoro ciao igĩthiĩ nambere gũkwĩhia

Woii matiendire kũmenya kana ngoro yaaku nĩĩtuuraga
Makinya Moabi magĩthahia na atumia a ndũrĩrĩ
Mũthenya ũmwe ũkĩũraga andũ ngiri mĩrongo ĩĩrĩ na ana
Tiga nĩ Phinehas kũrũgama ithenya warĩ mwaki

Woii nĩtũũĩ wega Jehovah nĩ marakara wee ũtumĩirie
Tiga nĩ thakame ya mũrũguo nĩ ũngĩrĩ wa tũguũria
Tiga nĩ mũcayo ũrĩa roho atũire akũrĩrĩire naguo
Kwaria ma gũtingĩrĩ matigari rũciaro-inĩ rũrũ

Musa njikara haraya nĩguo ndĩkanie na andũ aya
Ndĩna ũhoti wa gũgũtua rũrĩrĩ rwega makĩria
Musa arũgama ithenya-inĩ rĩa Jakubu ũkĩringwo nĩ tha
Twagũthaitha ndũkanathiĩ o ũguo ndungata igĩgwĩta

Njiarĩtwo rũciaro-inĩ rũrũ ruogomu na rũtũrĩku
Rwa andũ tũtarenda kũigua motaarani ma roho waku
Rũrona ndungata ciaku kaarĩ andũ matarĩ na bata
Ithenya-inĩ rĩaruo Mwathi ndũgathaitha ndũgatũng’ũrie

Nĩnjũĩ wega Jehovah ndwĩyagĩire na matigari
Andũ merutanĩire gũcarania na ũthiũ waku Baba
Mangĩgakaya ithenya-inĩ ndagũthaitha ndũkanakire
Tirĩrĩra rũciaro rũrũ rwitũ Ngai wũihũirwo nĩ tha

Woii nĩtũũĩ wega Jehovah nĩ marakara wee ũtumĩirie
Tiga nĩ thakame ya mũrũguo nĩ ũngĩrĩ wa tũguũria
Tiga nĩ mũcayo ũrĩa roho atũire akũrĩrĩire naguo
Kwaria ma gũtingĩrĩ matigari rũciaro-inĩ rũrũ

Musa njikara haraya nĩguo ndĩkanie na andũ aya
Ndĩna ũhoti wa gũgũtua rũrĩrĩ rwega makĩria
Musa arũgama ithenya-inĩ rĩa Jakubu ũkĩringwo nĩ tha
Twagũthaitha ndũkanathiĩ o ũguo ndungata igĩgwĩta

Rĩu kuona ona ithuĩ ndungata kwĩ irĩko twarĩire nawe
Cia gũgatũũria ũtheru na ũthingu rĩtwa rĩaku rĩtĩo
Ngoro ciitũ ũrociteithia gũcokia wendo ũrĩa watene
Rĩrĩa twagũkayagĩra ngoro igatherera ta rũũĩĩĩ

Gũtũkinyia Kaanani ti gũtũhe rũũtha rwa waganu
No nĩ gũtũhe wĩyathi wa gũgũtungata na thayũ
Na twarĩkia gwĩka ũguo gũtirĩ kĩndũ kĩega tũkaaga
Twagũthaitha tũiyũkie tũtungate tũtarĩ na itherũ

Woii nĩtũũĩ wega Jehovah nĩ marakara wee ũtumĩirie
Tiga nĩ thakame ya mũrũguo nĩ ũngĩrĩ wa tũguũria
Tiga nĩ mũcayo ũrĩa roho atũire akũrĩrĩire naguo
Kwaria ma gũtingĩrĩ matigari rũciaro-inĩ rũrũ

Musa njikara haraya nĩguo ndĩkanie na andũ aya
Ndĩna ũhoti wa gũgũtua rũrĩrĩ rwega makĩria
Musa arũgama ithenya-inĩ rĩa Jakubu ũkĩringwo nĩ tha
Twagũthaitha ndũkanathiĩ o ũguo ndungata igĩgwĩta
Twagũthaitha ndũkanathiĩ o ũguo ndungata igĩgwĩta