Nĩ ihinda riagĩkinyire bũrũri wa Misiri
Ngai ũkĩigua kĩrĩro na mũkayo wa ciana ciaku
Ũkĩhuumba nguo ya mbaara ũgĩthiĩ kũmarora
Ũtukũ gatagatĩ Pharaoh akĩoya moko igũrũ.

No makinya iriia-inĩ ituune akiuga agiane nawe
Akĩingĩra njĩra ĩrĩa wathondekete amahũndũre
Iria rĩona ũguo rĩakũigua rĩkĩmahobanĩria
Tondũ wĩra ũrĩa wambĩrĩirie gũtirĩ ũngĩrũgamia.

Ĩ nĩtwarega kũhũndũka kũrĩa wee ũtũrutĩte
Kĩrĩko giitũ na mbarĩ ya Pharaoh nĩtuunĩte
Makururania iria-inĩ marohuka matome
Kũrĩa Ngai oigite nĩtũgũkinya no tũgakinya
Inyuĩ Dathani na Kora nĩmwarega gwĩtĩkia
Hakwa na Joshua na Caleb Canaan notwĩkinya.

Kaarĩ kĩ wakĩuranirie na Dathan na Kora
Mahanda nguthi atĩ macooke kũrĩa wamarutĩte
Me hamwe na nyũmba ciao ũkĩhĩa nĩ marakara
Ũgĩatha thĩ yatũke ĩkĩmameria makĩhihagia.

No nĩnguona harĩ kĩhoto nĩ ũrĩa werutanĩirie
Kũruta andũ ũkombo wa mĩaka magana na ũtukũ ũmwe
Makĩona ndũrĩ ũndũ wekĩte makĩaga gũgwĩtĩkia
Ndũkanareke tũriganĩrwo ũrĩa watũkũrire

Ĩ nĩtwarega kũhũndũka kũrĩa wee ũtũrutĩte
Kĩrĩko giitũ na mbarĩ ya Pharaoh nĩtuunĩte
Makururania iria-inĩ marohuka matome
Kũrĩa Ngai oigite nĩtũgũkinya no tũgakinya
Inyuĩ Dathani na Kora nĩmwarega gwĩtĩkia
Hakwa na Joshua na Caleb Canaan notwĩkinya.

Barak nĩerwo ahorere ahorerie marũrũ
Ithuĩ twĩ rũrĩrĩ rwĩkũranĩte na rũthurĩtwo
Ona angĩbangĩra nduma-inĩ ũrĩa ithuĩ tũkũhuka
Twĩna rũirigo rwa mwaki njamba ĩtarĩ yahoteka.

Maroho mothe ma ũũru marĩa maumaga andũ thutha
Mũndũ akinya ikinya mbere agakinyũkia meerĩ thutha
Marohotwo marotoma rĩu ti igai riitũ
Marĩa mothe meega nĩ maitũ hamwe na ciana ciitũ.

Ĩ nĩtwarega kũhũndũka kũrĩa wee ũtũrutĩte
Kĩrĩko giitũ na mbarĩ ya Pharaoh nĩtuunĩte
Makururania iria-inĩ marohuka matome
Kũrĩa Ngai augite nĩtũgũkinya no tũgakinya
Inyuĩ Dathani na Kora nĩmwarega gwĩtĩkia
Hakwa na Joshua na Caleb Canaan notwĩkinya.

Nĩtũgũconoka mũno tũkĩhoya mũhera
Nĩ kũrĩa twanona ko ũtarĩ naithuĩ tũgĩgũtetia
Gwata tũkĩriganĩrwo mbaara wanahotana
Horeria mang’ũrĩ ngoro ciitũ nĩciĩcokerete.

Rĩu nĩtũkwarahũka twĩna wĩtĩkio mwerũ
Atĩ ona twarĩa maana ma werũ tũtigũkua ngoro
Caanani notũgikinya cioneki noikũhinga
Thĩna wa rĩu ndũngĩigananio na riri wa rũciũ

Ĩ nĩtwarega kũhũndũka kũrĩa wee ũtũrutĩte
Kĩrĩko giitũ na mbarĩ ya Pharaoh nĩtuunĩte
Makururania iria-inĩ marohuka matome
Kũrĩa Ngai oigite nĩtũgũkinya no tũgakinya
Inyuĩ Dathani na Kora nĩmwarega gwĩtĩkia
Hakwa na Joshua na Caleb Canaan notwĩkinya.

Ona ndũrĩrĩ itũmene itwarahũrĩre mbaara
Kũrĩa Ngai oigite nĩtũgikinya no tũgũkinya
Ona Barak atũmane atĩ nĩguo tũrumwo
Kũrĩa Ngai oigite nĩtũgikinya no tũgũkinya
Ona Jordani ĩngĩihũra no nginya tũrĩringa
Kũrĩa Ngai oigite nĩtũgikinya no tũgũkinya
Ona thingo ingĩneneha no nginya irĩmomoka
Kũrĩa Ngai oigite nĩtũgikinya no tũgũkinya

Ĩ nĩtwarega kũhũndũka kũrĩa wee ũtũrutĩte
Kĩrĩko giitũ na mbarĩ ya Pharaoh nĩtuunĩte
Makururania iria-inĩ marohuka matome
Kũrĩa Ngai oigite nĩtũgũkinya no tũgakinya
Inyuĩ Dathani na Kora nĩmwarega gwĩtĩkia
Hakwa na Joshua na Caleb Canaan notwĩkinya.

Ĩ nĩtwarega kũhũndũka kũrĩa wee ũtũrutĩte
Kĩrĩko giitũ na mbarĩ ya Pharaoh nĩtuunĩte
Makururania iria-inĩ marohuka matome
Kũrĩa Ngai oigite nĩtũgũkinya no tũgakinya
Inyuĩ Dathani na Kora nĩmwarega gwĩtĩkia
Hakwa na Joshua na Caleb Canaan notwĩkinya.