Nĩgwakĩa owega ĩĩ nĩ gwathera,
Na Ngai wandokeria kĩheo,
Nĩwega nĩkũhe mũthenya ũngĩ,
Ũyũ ũtarĩ watũrwo nĩ mũndũ,
No itanoimagara nyume nyũmba,
Nĩndarathimithia mũthenya ũyũ,
Ũtuĩke mũthenya wa mũnyaka,
Nawe wĩ igũrũ ũndathimire.

Nĩngwĩrathimĩra mũthenya ũyũ,
Njuge atĩ ngũtinda ndĩ mũkenu,
Ngũthiĩ oo wega na njoke na thayũ,
Na ndigũcoka moko matheri.

Ngiumagara we twarana naniĩ
Njemanie oo na andũ arĩa mangĩngenia
Acio matũmaga mũndũ amake,
Niĩ nao tũroraihanĩrĩria
Ũndathimĩre rũciaro rwakwa,
Ũmenyerere indo iria ũhete
Na andũ arĩa metanĩtio naniĩ,
Nĩndamarathimĩra gĩkeno.

Nĩngwĩrathimĩra mũthenya ũyũ,
Njuge atĩ ngũtinda ndĩ mũkenu,
Ngũthiĩ oo wega na njoke na thayũ,
Na ndigũcoka moko matheri.

Mũrathimi wa mawĩra maitũ ,
Tondũ nĩũtĩĩte ciugo ciaku,
Ndaumagara umagarania naniĩ,
Ũnyonie harĩa ngũteithĩkĩra,
Ũnyonie harĩa ngũikia mũtego,
Oo torĩa wateithirie Petero,
Araire agĩte ũtukũ mũgima,
Wamũrokera thĩna ũgũthira,

Nĩngwĩrathimĩra mũthenya ũyũ,
Njuge atĩ ngũtinda ndĩ mũkenu,
Ngũthiĩ oo wega na njoke na thayũ
Na ndigũcoka moko matheri.

Nĩngwenda gũtuĩka kĩrathimo,
He mũndũ oo wothe tũgũcemania,
Ngĩtuĩkĩrwo mwega ndũĩke mwega,
Hĩndĩ ĩyo thĩ ĩno nĩ ĩgũikarĩka,
Ũmũthĩ nĩnguonana na andũ aingĩ,
Angi eega mũno na angĩ ooru biũ,
We wonaga meciria ma andũ oothe,
Ũngĩona ũũru mbere ũhithe.

Nĩngwĩrathimĩra mũthenya ũyũ,
Njuge atĩ ngũtinda ndĩ mũkenu
Ngũthiĩ oo wega na njoke na thayũ
Na ndigũcoka moko matheri.

Nĩgwakĩa owega ĩĩ nĩ gwathera,
Na Ngai wandokeria kĩheo,
Nĩwega nĩkũhe mũthenya ũngĩ,
Ũyũ ũtarĩ watũrwo nĩ mũndũ,
No itanoimagara nyume nyũmba,
Nĩndarathimithia mũthenya ũyũ,
Ũtuĩke mũthenya wa mũnyaka,
Nawe wĩ igũrũ ũndathimire.

Nĩngwĩrathimĩra mũthenya ũyũ,
Njuge atĩ ngũtinda ndĩ mũkenu,
Ngũthiĩ oo wega na njoke na thayũ,
Na ndigũcoka moko matheri.