Solomon Ng’ang’a – Itu na Gitugi Lyrics

Itu na gĩtugĩ nĩcio ciatongoragia
Aisiraeli rĩrĩa maari werũ-inĩ
Ciathiathiaga nao magakinyũkia
Ciatithia nao makarũgama

Itu na gĩtugĩ nĩ ũhoti wa Ngai
Atũtongoretie no tũkũhotana
Arĩthiathiaga naithuĩ tũgakinyũkia
Atithia naithuĩ tũkarũgama

Na rĩrĩa maiinyire iria gatagatĩ
Itu na gĩtugĩ ciacokire na thutha
Nĩguo imagitĩre thũ itikamakinyĩre
Ũgitĩri wa Ngai nĩwakwĩhokwo

Itu na gĩtugĩ nĩ ũhoti wa Ngai
Atũtongoretie no tũkũhotana
Arĩthiathiaga naithuĩ tũgakinyũkia
Atithia naithuĩ tũkarũgama

Itu na gĩtugĩ nĩciamatongoririe
O nginya bũrũri wa iria na ũũkĩ
Ndongoragia Ngai mũtũrĩre-inĩ wakwa
Merirĩria na iroto cikinyanĩre

Itu na gĩtugĩ nĩ ũhoti wa Ngai
Atũtongoretie no tũkũhotana
Arĩthiathiaga naithuĩ tũgakinyũkia
Atithia naithuĩ tũkarũgama

Ngai ndongoragia na itu na gĩtugĩ
O ta ũria Aisiraeli matũũraga
Ciathia thia onaniĩ ngakinyũkia
Ciatithia naniĩ ngarũgama

Itu na gĩtugĩ nĩ ũhoti wa Ngai
Atũtongoretie no tũkũhotana
Arĩthiathiaga naithuĩ tũgakinyũkia
Atithia naithuĩ tũkarũgama

Watongoririe Iburahĩmu e werũ-inĩ
Ũkĩmũgegia nginya agigwĩta Jireh
Onaniĩ ndĩna ma Ngai ũndongoretie
Nĩũrĩhotanagĩra marĩa me mbere

Itu na gĩtugĩ nĩ ũhoti wa Ngai
Atũtongoretie no tũkũhotana
Arĩthiathiaga naithuĩ tũgakinyũkia
Atithia naithuĩ tũkarũgama

Nowe watongoririe Joshua mbaara-inĩ
Agũthaitha ũkĩmũrũgamĩria riũa
Onaniĩ nĩnjĩtĩkĩtie ũndongoretie
Nĩũkũndũgamĩria riũa rĩa mathĩna

Itu na gĩtugĩ nĩ ũhoti wa Ngai
Atũtongoretie no tũkũhotana
Arĩthiathiaga naithuĩ tũgakinyũkia
Atithia naithuĩ tũkarũgama

Ngiumagara ona ningĩ ngĩhũndũka
Itu na gĩtugĩ cindongoragie
Ndũũre nginyagĩra nginyo-inĩ ciaku
Ndũũre njathĩkagĩra wendi waku

Ciathia thia onaniĩ ngakinyũkia
Ciatithia onaniĩ ngarũgama
Ciathia thia onaniĩ ngakinyũkia
Ciatithia onaniĩ ngarũgama