Gwakĩire mũthenya ũmwe o ta ĩrĩa ĩngĩ
Ngĩigua thimũ yahũrwo na nĩ namba ng’eni
Makiiuuga marenda manyandĩke wĩra
Ngĩmooria atĩa na niĩ ndikĩrĩ mũthomu

O ho makiuga nĩmaiguĩte rũgano rwakwa
Na ha mũcaara nĩmoĩ nĩndĩrabatara
Kuoguo ndĩhĩke nĩndĩrabatarĩka mũno
Hĩndĩ ĩyo thimũ yao ngĩigua nĩyarengeka

Ĩĩ githĩ Ngai wakwa nĩwaiguire ngĩkaya
Ndiarĩ handũ hega ndaarĩ mũhinyĩrĩrie
Maru-inĩ ndatũire ngũthaithaga o ta Hannah
Ndioĩ wakirĩte ũnyonie wetereri

Ĩĩ githĩ Ngai wakwa nĩwaiguire ngĩkaya
Ndiarĩ handũ hega ndaarĩ mũhinyĩrĩrie
Maru-inĩ ndatũire ngũthaithaga o ta Hannah
Ndioĩ wakirĩte ũnyonie wetereri

Nĩma mũhuro ũyũ wa riũa gũtirĩ thayũ
Mũndũ amenagĩrwo wagi gũkĩra mahĩtia
Kaingĩ na kaingĩ ndatũũraga njaraga rũhĩ
Nĩmanyonaga no ĩndĩ magacokia ihingo

Arata arĩa ndaarĩ nao makĩnjeherera
Makĩaga bata wa gũceera na mũndũ taniĩ
Na nĩma tondũ ingĩakĩmateithirie nakĩ
Ndiarĩ na ũhoti ndingĩahingirie wendi wao

Ĩĩ githĩ Ngai wakwa nĩwaiguire ngĩkaya
Ndiarĩ handũ hega ndaarĩ mũhinyĩrĩrie
Maru-inĩ ndatũire ngũthaithaga o ta Hannah
Ndioĩ wakirĩte ũnyonie wetereri

Ĩĩ githĩ Ngai wakwa nĩwaiguire ngĩkaya
Ndiarĩ handũ hega ndaarĩ mũhinyĩrĩrie
Maru-inĩ ndatũire ngũthaithaga o ta Hannah
Ndioĩ wakirĩte ũnyonie wetereri

O ũndũ nĩũrĩ gĩtumi andũ aitũ ndĩmwĩre
Gacagaca-inĩ ĩyo nĩho ndamenyeire Ngai
Hĩndĩ ĩria roho okire akĩheherera
Akĩnjanũra na akĩnjĩra nĩgũkwagĩra

Ĩĩ githĩ towe waringaringire Jakubu
Ũkĩmwĩra nĩũkamũhingĩria ciĩranĩro
Ngoro-inĩ yakwa ngĩiguithĩka gũkwĩhokaga
Tondũ woire ithenya rĩa arĩa ndehokete

Ĩĩ githĩ Ngai wakwa nĩwaiguire ngĩkaya
Ndiarĩ handũ hega ndaarĩ mũhinyĩrĩrie
Maru-inĩ ndatũire ngũthaithaga o ta Hannah
Ndioĩ wakirĩte ũnyonie wetereri

Tegai matũ arata niĩ ndĩmũhe ũhoro
Thĩ-ĩno ya Ngai nĩ mĩambato na mĩikũrũko
Rĩrĩa ũkwambata menya nĩ tha Ngai akũiguĩra
Tũtũirio nĩ tha ti ũũgĩ ona kana icoka

Gĩai na wetereri ĩ mũgĩtũkie Hannah
Nĩ gũgũciarwo gakenge na nĩ mũkuongithia
Mũtikamakio nĩ maithori inyuĩ mwanarĩra
Tondũ mĩtheko yanyu ĩkahana ta ya Sarah

Ĩĩ githĩ Ngai wakwa nĩwaiguire ngĩkaya
Ndiarĩ handũ hega ndaarĩ mũhinyĩrĩrie
Maru-inĩ ndatũire ngũthaithaga o ta Hannah
Ndioĩ wakirĩte ũnyonie wetereri

Ĩĩ githĩ Ngai wakwa nĩwaiguire ngĩkaya
Ndiarĩ handũ hega ndaarĩ mũhinyĩrĩrie
Maru-inĩ ndatũire ngũthaithaga o ta Hannah
Ndioĩ wakirĩte ũnyonie wetereri

Ĩĩ githĩ Ngai wakwa nĩwaiguire ngĩkaya
Ndiarĩ handũ hega ndaarĩ mũhinyĩrĩrie
Maru-inĩ ndatũire ngũthaithaga o ta Hannah
Ndioĩ wakirĩte ũnyonie wetereri