Shiru wa GP – Kũrugwo song Lyrics

Rĩkia kũrugwo ũhĩe, cinwo ũkinyanĩre
Ngai ndahũthĩraga iguoya
Ndangĩgũtwara handũ wĩna ngoro hũthũ
Ndũkamake ũkue

Rĩkia kũrugwo ũhĩe, cinwo ũkinyanĩre
Ngai ndahũthĩraga iguoya aaa
Ndangĩgũtwara handũ wĩna ngoro hũthũ
Ndũkamake ũkue

Jesũ ĩkũ ndutuura ĩrĩa
Wĩkũ mũgambo ũrĩa, ũrĩa Ngai augire wĩ mũriũ wake
Na atĩ nĩ akenaga nĩwe kaĩ rĩu ningĩ gwathiĩ atĩa

Nĩkĩ ũreka mũtĩ igũrũ, Jesu ũtarĩ nguo
Ũgĩtuagĩrwo mata ũkĩragwo wĩhonokie
Jesu rĩkia wĩra wa mũtharaba
Andũ othe marĩhoyaga na rĩtwa rĩaku

Rĩkia kũrugwo ũhĩe, cinwo ũkinyanĩre
Ngai ndahũthĩraga iguoya aaa
Ndangĩgũtwara handũ wĩna ngoro hũthũ
Ndũkamake ũkue

Abataire mũthĩnjĩri nũ ũkũmũciarĩra
Nĩ mũtumia ũrĩkũ ũkwambata kĩrĩma
O mwaka o mwaka akahoe Ngai
Na Ngai nĩ amũhingĩte nda

Na nĩ ararumwo nĩ mũiruwe, agĩtagwo thata
Akĩnyũrũragio na ciana nĩguo acinwo nĩ ruo
Athiĩ agathaithe Ngai akĩinainaga aaa
Ngai atũme amũciarĩre mũthĩnjĩri

Rĩkia kũrugwo ũhĩe, cinwo ũkinyanĩre
Ngai ndahũthĩraga iguoya aaa
Ndangĩgũtwara handũ wĩna ngoro hũthũ
Ndũkamake ũkue

Mũroti wa iroto githĩ ndũrarotire
Gĩtĩya giaku kĩhandĩte giki
Nacio cia ariũ a thoguo ikainamĩrĩra
Kaĩ rĩu ningĩ gwathiĩ atĩa

Nĩkĩ ũreka irĩmainĩ ũrathogoranwo ta mahiũ
Ningi rĩu wĩ jela, atĩ nĩ kũnyitana kĩa hinya
Ũngĩona ũguo kĩroto gĩkirie kũhinga
Yusufu ariũ a thoguo makũinamĩrĩre

Rĩkia kũrugwo ũhĩe, cinwo ũkinyanĩre
Ngai ndahũthĩraga iguoya aaa
Ndangĩgũtwara handũ wĩna ngoro hũthũ
Ndũkamake ũkue

Ngai ndangĩhingĩrĩria thũ nĩguo ũrĩkie gwaka
Ciũkaga ciumĩte na mĩena yothe ya thĩĩ
Cikuĩte matimũ na mahiga aaa
Nĩguo ũmake ũtigane naguo
Nĩkĩo Ngai ahũthagĩra
Mũndu ũngĩaka na guoko kũmwe
Kũngĩ akanyita matharaita, agaikara eiguĩte
Mũndũ wĩharĩrie kũrũĩrĩra
Kĩrĩa Ngai amwĩrĩte arĩkie

Rĩkia kũrugwo ũhĩe, cinwo ũkinyanĩre
Ngai ndahũthĩraga iguoya aaa
Ndangĩgũtwara handũ wĩna ngoro hũthũ
Ndũkamake ũkue

Ũrenda gũtungata, ũngĩcambio no wĩite
Ũrenda igweta inene, na ũngĩrumwo nĩ warwara
Ũrenda gũtuĩka atĩa mũtongoria aaa
Na ũngĩnyũrũrio nĩ wakua ngoro

Nĩ wũikare hau ũrĩ wĩtũrĩre na thayũ
Kũrĩa ũrenda gũthiĩ ti kũhũthũ gũtikinyagwo o ũguo
Ko ũtoĩ thũmbĩ yumaga mbarainĩ
Riri ũthogoragwo gĩconoko-inĩ

Rĩkia kũrugwo ũhĩe, cinwo ũkinyanĩre
Ngai ndahũthĩraga iguoya aaa
Ndangĩgũtwara handũ wĩna ngoro hũthũ
Ndũkamake ũkue

Rĩkia kũrugwo ũhĩe, cinwo ũkinyanĩre
Ngai ndahũthĩraga iguoya aaa
Ndangĩgũtwara handũ wĩna ngoro hũthũ
Ndũkamake ũkue

Rĩkia kũrugwo ũhĩe, cinwo ũkinyanĩre
Ngai ndahũthĩraga iguoya aaa
Ndangĩgũtwara handũ wĩna ngoro hũthũ
Ndũkamake ũkue

Nĩnjũĩ nĩ wũiguĩte o kaingĩ no reke njokere tu
Atĩ dhahabu ĩrĩa njega ĩgeragio na mwaki
Ĩgeragio na mwaki

Hakĩrĩ ũguo ĩĩ, rĩrĩa ngwaga hinya
Na rĩrĩa ngũrurokwo, ona rĩrĩa nyamarĩkĩte
Na rĩrĩa ngũnyarirwo, ona rĩrĩa ngũtuurio
Hinya wa Kristo nĩguo njiguaga wega

Tondũ hĩndĩ ĩrĩa hinyarĩte nĩguo ngoragwo na hinya
Ĩni nĩguo ngoragwo na hinya
Tondũ hĩndĩ ĩrĩa hinyarĩte nĩguo ngoragwo na hinya
Hinya hinya hinya
Rĩrĩa hinyĩrĩrĩkĩte nĩguo ngoragwo na hinya
Nĩguo ngoragwo na hinya