Nyonera Handu Lyrics by Muigai Wa Njoroge Ft Karangu Muraya

Muigai Wa Njoroge Ft Karangu Muraya – Nyonera Handu Lyrics

O ta ũrĩa mũrĩmi aroragia maitho irĩma-inĩ
Hĩndĩ ya mahanda etereire mbura yuure
Akaroria maitho igũrũ erĩgĩrĩire ĩĩ
Ũteithio wake nĩũgũka uumĩte igũrũ

Aharagĩrĩria mũgũnda ena mwĩhoko
O akĩmenyaga ndangiuria mbura yake
Tondũ wa wĩhokeku waku ũkehokeka
Ũkamũhe ũteithio uumĩte hitho-inĩ

Ngai nĩwe ndĩhokete nyonera handũ
Wee nĩwe kĩrĩgĩrĩro nyonera handũũũ
Tha-inĩ ciaku ndagũthaitha nyonera handũ ĩĩ
Kĩhurũko-inĩ gĩaku ũnyonere o handũ

Thĩ nĩ mũtambũrũko wĩ maũndũ maingĩ
Maingĩ mooru na mathinĩkanagia mũndũ
Andũ ooru na angĩ eega mahoreragia mũndũ ĩĩ
Ĩno thĩ ĩrabata ũũgĩ wa mwanya

Na tondũ wee nĩwe wandutire nduma-inĩ ĩĩ
Ndige gũikara maisha ma kũhambatĩria
Ũkĩnjĩguũrĩria ngĩgũtaũkwo wega ĩĩ
Ndũgũ iitũ nawe Ngai reke ĩĩtũũre

Ngai nĩwe ndĩhokete nyonera handũ
Wee nĩwe kĩrĩgĩrĩro nyonera handũũũ
Tha-inĩ ciaku ndagũthaitha nyonera handũ ĩĩ
Kĩhurũko-inĩ gĩaku ũnyonere o handũ

Amos augire matukũ ma kũrigĩrĩria
Ĩĩ nĩ gũkagĩa na ng’aragu na ti ng’aragu ya irio
No nĩ ng’aragu ya kwaga ciugo horeri ĩĩ
Na kũgĩe nyota ya kwaga ũhoro wama

Na ti itherũ ĩiiya wakwa nĩguo kũhana
Andũ a kwaria ma bũrũri ũyũ gũtitũireee
Mũkũhoreria arakũhoreria agũtunye ĩĩ
Ng’aragu ya indo nĩyaninire ũmũndũ

Ngai nĩwe ndĩhokete nyonera handũ ũũ
Wee nĩwe kĩrĩgĩrĩro nyonera handũũũ
Tha-inĩ ciaku ndagũthaitha nyonera handũ ĩĩ
Kĩhurũko-inĩ gĩaku ũnyonere o handũ

Rĩu thĩ-ĩno yothe ndĩiguanagĩrwo tha
Mũthũkũmi atunyagwo indo ciake eroreire
Mũtunyani na mũici magĩa ngwatanĩro ĩĩ
Arĩa matarĩ hinya magakĩona ũũru

No kanua-inĩ gaku nĩharĩ ũhoro wa ma
Kanua-inĩ gaku nĩharĩ ciugo horeri
Wee nĩwe ũtuaga ciira na kĩhoto ĩĩ
Thĩ ona yatũũra ĩcenjagia wee ndũgacenjia

Ngai nĩwe ndĩhokete nyonera handũ ũũ
Wee nĩwe kĩrĩgĩrĩro nyonera handũũũ
Tha-inĩ ciaku ndagũthaitha nyonera handũ ĩĩ
Kĩhurũko-inĩ gĩaku ũnyonere o handũ

Ngai nĩwe ndĩhokete nyonera handũ ũũ
Wee nĩwe kĩrĩgĩrĩro nyonera handũũũ
Tha-inĩ ciaku ndagũthaitha nyonera handũ ĩĩ
Kĩhurũko-inĩ gĩaku ũnyonere o handũ

Nĩwe wonagĩra nyamũ cia werũ thayũ ĩĩ
Kĩhurũko-inĩ gĩaku ũnyonere handũ
Nĩwe wonagĩra andũ arĩa ahũthũ thayũ ĩĩ
Kĩhurũko-inĩ gĩaku ũnyonere handũ
Wee nĩwe kĩrĩgĩrĩro nyonera handũ ĩĩ
Wee nĩwe mwĩhoko wakwa nyonera handũ

538 Views

You may also like ...

No comment

Leave a Reply

Your email address will not be published. Required fields are marked *

error: The Content is protected !!