Henry Waweru Karanja – Mutumia Ngatha Lyrics

Kwanaciarwo aingĩ atungu na aceke
Akuhĩ na araihu nowe nĩwe ũngenagia
Nĩwang’omanire ta nguo thaka
Ĩthondeketwo wega ndĩtĩyage nawe

Mũtumia ngatha oimaga kwĩ Ngai
Na thogora wake ee goro gwĩ thahabu
Mũthuri wake nĩamwĩhokaga
Na nĩamũtĩithagia mena athuri angĩ

Nĩndacĩtie mbia, mburi na ng’ombe
No indo icio itingĩgũra mũtumia ngatha
Mburi na ithaka no ũheo nĩ aciari
No mũtumia mwega aumaga kwĩ Jehova

Mũtumia ngatha oimaga kwĩ Ngai
Na thogora wake ee goro gwĩ thahabu
Mũthuri wake nĩamwĩhokaga
Na nĩamũtĩithagia mena athuri angĩ

Nĩndĩkwendaga, njathĩkagĩra
Tũhingie mĩhĩtwa ĩno tũkenagie Ngai
Ngai tuohiithanie, na ikundo irũmu
Rĩtangĩkundũrwo nĩ wara wa shaitani

Mũtumia ngatha oimaga kwĩ Ngai
Na thogora wake ee goro gwĩ thahabu
Mũthuri wake nĩamwĩhokaga
Na nĩamũtĩithagia mena athuri angĩ

Reke andũ moigage nĩtwakĩgire
Matuona tũtwaranĩte tũgĩthiĩ Shopping
Wee nĩwatuĩkire ihũa rĩakwa
We nĩwe ũgemetie mũtũrĩre ũyũ wakwa.

Mũtumia ngatha oimaga kwĩ Ngai
Na thogora wake ee goro gwĩ thahabu
Mũthuri wake nĩamwĩhokaga
Na nĩamũtĩithagia mena athuri angĩ

Ndũnyendeire mbia, twanathĩnĩka
Ũkanyũmagĩrĩria tweterere oo Ngai
Ũhana merikebu ĩrĩa ĩthiaga
Gũthũgũra kũraya ĩinũkie mũciĩ

Mũtumia ngatha oimaga kwĩ Ngai
Na thogora wake ee goro gwĩ thahabu
Mũthuri wake nĩamwĩhokaga
Na nĩamũtĩithagia mena athuri angĩ

Mũtumia ngatha oimaga kwĩ Ngai
Na thogora wake ee goro gwĩ thahabu
Mũthuri wake nĩamwĩhokaga
Na nĩamũtĩithagia mena athuri angĩ