Henry Waweru Karanja – Ngiraga ngaita Maithori Lyrics

Nĩwagĩrĩire gwĩtigĩrwo ĩĩ
Nĩwagĩrĩire kwĩnyihĩrio
Ona ningĩ kũinamĩrĩrwo ĩĩ
Tondũ we wĩ Jehova ndũire

Nĩngiraga ngaita maithori
Ndarora ũhonokio wa Ngai
Anjarĩire metha ĩmwe na thũ ĩĩ
Na noniĩ ũyũ atũragia muoyo

Guoko kwa Jehova ti kuonju ĩĩ
Atĩ kwaremwo kũhonokia
Matũ make matirĩ njika ĩĩ
Atĩ nomakĩage kũnjigua

Nĩngiraga ngaita maithori
Ndarora ũhonokio wa Ngai
Anjarĩire metha ĩmwe na thũ ĩĩ
Na noniĩ ũyũ atũragia muoyo

Jehova we nduonaga nduma ĩĩ
Ona kana ũkona kĩrĩma
Ũgĩũka kũhingia irĩkanĩro ĩĩ
Iria ũrĩkanĩire na atheru

Nĩngiraga ngaita maithori
Ndarora ũhonokio wa Ngai
Anjarĩire metha ĩmwe na thũ ĩĩ
Na noniĩ ũyũ atũragia muoyo

Rĩtwa rĩa Jehova nĩ nyũmba ĩĩ
Ya hinya njake mũthiringo
Nĩho atheru moragĩra ĩĩ
Makahonokia mĩoyo yao

Nĩngiraga ngaita maithori
Ndarora ũhonokio wa Ngai
Anjarĩire metha ĩmwe na thũ ĩĩ
Na noniĩ ũyũ atũragia muoyo

Kũgwatwo nĩ kĩrumi ngwĩre ĩĩ
Nĩ mũndũ wothe ũngĩtirania
Na ũmenyo wake we mwene ĩĩ
Mũtũrĩre wake ee thĩ-ĩno

Nĩngiraga ngaita maithori
Ndarora ũhonokio wa Ngai
Anjarĩire metha ĩmwe na thũ ĩĩ
Na noniĩ ũyũ atũragia muoyo

Gũtũũra gwakwa nĩ Mwathani ĩĩ
Na kuuma thĩ-ĩno no Mwathani
Ndirĩ na ũndũ niĩ ingĩtigĩra ĩĩ
No we Jehova niĩ ndĩhokete

Nĩngiraga ngaita maithori
Ndarora ũhonokio wa Ngai
Anjarĩire metha ĩmwe na thũ ĩĩ
Na noniĩ ũyũ atũragia muoyo