Ithiururi-ini Cia Arata Lyrics by Carol Mwaura

Ota ũrĩa thĩ yang’ara ĩnyotagĩra maaĩ
Kana thwariga irĩma-inĩ kũndũ werũ-inĩ
Noguo ndanekora ta ndĩmũtiganĩrie
Mũnjikari hakuhĩ nowe wanandeithia

Ũhana rũũĩĩĩ rũkiunanĩra cianda-inĩ
Ota gĩthima kĩa maaĩ marĩa matheru
Ithiũrũrĩ-inĩ cia arata arĩa mathekagia
Maihũire ũhinga ndũĩgana kwaga kũndeithia

Harĩ indo ciothe nĩndĩrĩmenyagĩrĩra
Ihumo cia ngoro itikanaunjugĩke
Kũu nĩkuo ithima cia muoyo itherũkaga
Ngagĩa hinya wa kũhota gwĩkinyũkĩria

Ũhana rũũĩĩĩ rũkiunanĩra cianda-inĩ
Ota gĩthima kĩa maaĩ marĩa matheru
Ithiũrũrĩ-inĩ cia arata arĩa mathekagia
Maihũire ũhinga ndũĩgana kwaga kũndeithia

Nĩ kaingĩ wanerwo wanjie na ũhũthũ wakwa
Na ndũrĩ wanduĩra ota ũndakarĩire
Irema iria wahonirie ndebanĩtio thĩ
Nĩ arĩa ndehokaga no njugaga no wega

Ũhana rũũĩĩĩ rũkiunanĩra cianda-inĩ
Ota gĩthima kĩa maaĩ marĩa matheru
Ithiũrũrĩ-inĩ cia arata arĩa mathekagia
Maihũire ũhinga ndũĩgana kwaga kũndeithia

Wi wa kwĩhokeka ta gũkĩa kwa rũciinĩ
Ngai wakwa wokire ũkĩnyonia gũkena
Ona tũnua twa andũ tuugĩte irathimo-inĩ
Ndirĩ wacio nĩwang’aiĩre rwĩga rwakwa

Ũhana rũũĩĩĩ rũkiunanĩra cianda-inĩ
Ota gĩthima kĩa maaĩ marĩa matheru
Ithiũrũrĩ-inĩ cia arata arĩa mathekagia
Maihũire ũhinga ndũĩgana kwaga kũndeithia

Ngai harĩ we ndiokoima nowe mũrata
Thũ ciakwa cihũithĩtie ta maaĩ ma rũũĩĩĩ
Ũmagagia hinya ta mĩguĩ mĩgonyoku
Matuĩke ũrĩa ndinoho ĩthiragĩra njĩra

Ũhana rũũĩĩĩ rũkiunanĩra cianda-inĩ
Ota gĩthima kĩa maaĩ marĩa matheru
Ithiũrũrĩ-inĩ cia arata arĩa mathekagia
Maihũire ũhinga ndũĩgana kwaga kũndeithia

Ũhana rũũĩĩĩ rũkiunanĩra cianda-inĩ
Ota gĩthima kĩa maaĩ marĩa matheru
Ithiũrũrĩ-inĩ cia arata arĩa mathekagia
Maihũire ũhinga ndũĩgana kwaga kũndeithia