Muohori Minyororo Lyrics by Tabby Ndegwa ft Miriam wa Muthungu

Ũhoro waku Ngai nĩ tawa wa makinya makwa
Ũhoro waku nĩ ũtheri rĩria nduma yatumana
Ũrĩa kanua ka mũndũ gatangĩtumũka keyarie
Ngoraga nianjarĩrĩirie Ngai ũyũ ti wa ngariũko

Mũnduangĩri wa igera mũohori mĩnyororo
Ũkaga itakinyĩte mũico njono itanahumbĩra
Wega waku ndũngĩigana wa arata akwa ngiri ikũmi
Ũrogocagĩrwo ihumo cia ngoro kũrĩa kũriku

Nĩndekwo ndũũre gwake nĩnjũĩ kũrĩa we andutire
Ona akĩmenyaga mawonje makwa atĩ no makĩru
Nĩ wĩra mũritũ andutĩĩre ingĩgakinya haha ndĩ
Ti itherũ thayũ wama wonagwo tu nĩmũmwĩhoki

Mũnduangĩri wa igera mũohori mĩnyororo
Ũkaga itakinyĩte mũico njono itanahumbĩra
Wega waku ndũngĩigana wa arata akwa ngiri ikũmi
Ũrogocagĩrwo ihumo cia ngoro kũrĩa kũriku

Nĩ ruo ruonagwo nĩ ũrĩa mũndũ akĩenda kũgũithio
Na mĩario ya tũhũ yaragio mũndũ arekie kĩoneki
Nduma ĩtumanaga gũgĩkĩa kĩrĩma kĩngĩraiha
Nĩ Ngai ũtũmaga ndĩkĩambate na ndĩgĩturũre

Mũnduangĩri wa igera mũohori mĩnyororo
Ũkaga itakinyĩte mũico njono itanahumbĩra
Wega waku ndũngĩigana wa arata akwa ngiri ikũmi
Ũrogocagĩrwo ihumo cia ngoro kũrĩa kũriku

Nguraro ciĩho irema nĩnjĩkĩrĩtwo na ikahona
Nĩhũmahũmanĩtie na andũ makandiga riũa-inĩ
Wee ũteheraga ngĩhutatĩrwo ndwatemeirwo njĩra
Ũgĩũka kũndora ndakũhoire ndĩ hatĩka-inĩ

Mũnduangĩri wa igera mũohori mĩnyororo
Ũkaga itakinyĩte mũico njono itanahumbĩra
Wega waku ndũngĩigana wa arata akwa ngiri ikũmi
Ũrogocagĩrwo ihumo cia ngoro kũrĩa kũriku

O wee ũheaga gĩa kũrĩa ndĩaga na ngaigania
O wee wanduĩkĩire kĩruru hĩndĩ ya kwara yooka
Ndũũria gwaku nĩ kwega na ũtũũre ũrĩ iburi rĩakwa
Mbura ya ũũru ndĩkanaure gwakwa ndũũria na thayũ

Mũnduangĩri wa igera mũohori mĩnyororo
Ũkaga itakinyĩte mũico njono itanahumbĩra
Wega waku ndũngĩigana wa arata akwa ngiri ikũmi
Ũrogocagĩrwo ihumo cia ngoro kũrĩa kũriku

Ũhoro nĩatĩ nĩwe icokia rĩa mathaithana makwa
Ndirĩ ngagwĩta ũkahũndũka ndũrĩ wanogio nĩniĩ
Rĩu gĩtigane na andũ manakwĩra ũrĩkie naniĩ
No wendo waku harĩ niĩ nĩndũũre ngũtungataga

Mũnduangĩri wa igera mũohori mĩnyororo
Ũkaga itakinyĩte mũico njono itanahumbĩra
Wega waku ndũngĩigana wa arata akwa ngiri ikũmi
Ũrogocagĩrwo ihumo cia ngoro kũrĩa kũriku