Ndĩ maciaro ma karuo na njiguĩte ndĩ wika
Ndĩ gabuku Ngai arandĩka na nditirihĩtwo
Horerai maciaro meho makũiguithio ruo
Ta ma ũkengu wa thahabu yagererio mwaki-inĩ

Nĩ ruo rwaiguirwo Rakeli akĩrĩra Rama
Na ndakirĩkaga agĩcaya nĩ ruo rwa ciana
He karuo kaiguagwo nĩ mũndũ aarĩ werũ-inĩ
Na gatiguanagĩrwo mũndũ aiguaga e wika

Ndĩ maciaro ma karuo na njiguĩte ndĩ wika
Ndĩ gabuku Ngai arandĩka na nditirihĩtwo
Horerai maciaro meho makũiguithio ruo
Ta ma ũkengu wa thahabu yagererio mwaki-inĩ

Mathabu ma mũndũ akĩmeka ekaga na akarĩkia
Akona kĩambĩrĩria gĩaku o nginya kĩrĩkĩro
Akena ngĩthira Ngai akanyonera gũtũũra
Ti itherũ ngũgĩtũũra nginya ngaigania matukũ

Ndĩ maciaro ma karuo na njiguĩte ndĩ wika
Ndĩ gabuku Ngai arandĩka na nditirihĩtwo
Horerai maciaro meho makũiguithio ruo
Ta ma ũkengu wa thahabu yagererio mwaki-inĩ

Nĩnjũĩ ndũrĩ wahũgũka kũngĩ ndũkanjigue
Hĩndĩ yothe waigua kayũ gakwa nĩwĩtĩkaga
Ndigatĩĩra harĩ we kuona ndũrĩ wanjonora
Na ndũrĩ wahũndũrania atĩ ndũgũthikĩrĩria

Ndĩ maciaro ma karuo na njiguĩte ndĩ wika
Ndĩ gabuku Ngai arandĩka na nditirihĩtwo
Horerai maciaro meho makũiguithio ruo
Ta ma ũkengu wa thahabu yagererio mwaki-inĩ

Mwĩhoko wakwa ndigathengia nĩwehokekire
O rĩrĩa ruo rwakwa rwehĩte ndwahutatĩire
Ngai ingĩkũmena atĩa nanĩwe wanjikaririe
Niĩ rĩrĩa ndonaga tarĩ arata mahutatĩire

Ndĩ maciaro ma karuo na njiguĩte ndĩ wika
Ndĩ gabuku Ngai arandĩka na nditirihĩtwo
Horerai maciaro meho makũiguithio ruo
Ta ma ũkengu wa thahabu yagererio mwaki-inĩ

Rĩu nguona nĩwĩkĩrĩte kanua gakwa ruoro
Ndĩrĩgatumũraga hĩndĩ yothe ngwĩre thengiũ
Na nĩ wanangũraria ngaigua ruo rũkĩrĩku
No nĩwe mũthai wa ironda ciakwa na mũhonia

Ndĩ maciaro ma karuo na njiguĩte ndĩ wika
Ndĩ gabuku Ngai arandĩka na nditirihĩtwo
Horerai maciaro meho makũiguithio ruo
Ta ma ũkengu wa thahabu yagererio mwaki-inĩ