Nĩ thengiũ mũno kũrĩ Ngai wanjĩndathimĩire
Na ũgĩtũma ngwĩhoke mũno ndĩ mũrata waku
Nĩkĩo ngĩhoya ngwaragĩria ta mwana kũrĩ ithe
Kwĩna kĩeha kana gĩkeno tondũ nowe njũĩ
Na tondu kuuma ndĩ o nda ya maitũ nĩwanjũĩ wega
Rĩu nĩ hĩndĩ ngũbatiĩ mũno ndũkandirike

Kĩrĩa kĩnjohithanagia nawe ũroreka gĩtũũre
Matua marĩa ndatua na ũrimũ ndekagĩra tu
Na ũkahĩũhaga mũno Ngai kũhe ihinda rĩngĩ

Nĩndakũhoire ũnjaramĩrie mĩhaka
Wĩ mwĩhokeku mũno Ngai nĩwahingĩirie ũguo
Ũkĩhe favour ngĩmenyeka ng’ongo nginya ng’ongo
Nacio thũ cikĩingĩha o ũguo inangaga kũnanga
Tiga nĩ mahoya ma maitũ na arĩa manyendete
Ingĩahukire tene woi na ngariganĩra

Kĩrĩa kĩnjohithanagia nawe ũroreka gĩtũũre
Matua marĩa ndatua na ũrimũ ndekagĩra tu
Na ũkahĩũhaga mũno Ngai kũhe ihinda rĩngĩ

Ndagũthaithire mũno Ngai ũhithe njata yakwa
Tondũ ma ndwaheyaga kĩheo gĩkĩ gĩkanina
Waheaga kĩgune rũrĩrĩ ona njiarwa ciakwa
Nandũngĩnduta thĩna-inĩ thire ngĩonaga Kanani
Ĩngĩkaingĩra mũtego-inĩ gĩtũmi ndĩ o mũndũ
Ũkahe hinya ta Samsoni ndĩhie maitho makwa.

Kĩrĩa kĩnjohithanagia nawe ũroreka gĩtũũre
Matua marĩa ndatua na ũrimũ ndekagĩra tu
Na ũkahĩũhaga mũno Ngai kũhe ihinda rĩngĩ

Nĩnyenda mũno gwĩka wega o ũrĩa ingĩhota
No ndĩna mũigua ta ũrĩa wagiaga Paulu
Ndũkanareke nduĩke ngombo ya mahĩtia makwa
Irathimo ciaku itiumagwo thutha nĩ kĩeha
Cironjihũra moko ta iria cia Iburahimu
Ndarathima njiarwa ciakwa ciothe cirotherema

Kĩrĩa kĩnjohithanagia nawe ũroreka gĩtũũre
Matua marĩa ndatua na ũrimũ ndekagĩra tu
Na ũkahĩũhaga mũno Ngai kũhe ihinda rĩngĩ

Ndingĩriganĩrwo nĩ acio mahoyagĩra wega
Na rĩrĩa ndahĩtia mandũithagia o na wendo
Acio makenagio nĩ njata ĩno ũmarathimage
Ngoro ciao cihũrie wendo ona thayũ mũingĩ
Tondũ ndiĩhota kũmarĩha no wĩna ũhoti
Marathimĩre mĩhuko yao,mahiũ na mĩciĩ

Kĩrĩa kĩnjohithanagia nawe ũroreka gĩtũũre
Matua marĩa ndatua na ũrimũ ndekagĩra tu
Na ũkahĩũhaga mũno Ngai kũhe ihinda rĩngĩ

Matua marĩa ndatua na ũrimũ ndekagĩra tu
Na favour ĩyo waheire Ngai ĩrogĩtũũra
Matua marĩa ndatua na ũrimũ ndekagĩra tu
Na favour ĩyo waheire Ngai ĩrogĩtũũra

Kũrĩa itakahota kũrĩha wega,
ndĩhagĩra
Na kũrĩa itakahota kwĩrũĩrĩra rĩ,
Ndũagĩrĩra tu
Tondũ wĩ Ngai, mwene hinya wothe