Kairĩtu gakwa hĩndĩ ĩrĩa waciarirwo
Gwakwa nĩkwaugirwo ngemi inya
Na waciarwo ngĩgũtua rĩĩtwa rĩa mami
Wairimũ ndĩmuonage kaingĩ

Na tondũ nĩngwendete mũno kairĩtu gakwa
Ndingĩenda ũkoorĩra thĩ
Thayũ na ndathimi ciumaga na mũciĩ
Naarĩ korwo waigua ciugo ici

Thikĩrĩria ici nĩcio ciugo cia Daddy
Na wacifuata nĩũgeteithia!

Gĩkũyũ augire kĩrĩra mwana wakwa
Nĩ waga thoni nyita wega
Na ta mũciari ndirĩ hĩndĩ ingĩkira
Tondũ thĩ ĩno ĩiyũire ũgwati

Ndanetungumania mũno mũno mami
Nĩguo ũthome ũgaikara wega
Rũngĩrĩria mĩthiĩre ta ũrĩa ngũkwĩra
Ndũkanorage mwĩhoko ũyũ

Ririkana mũno ciugo ici cia Daddy
Na wacifuata nĩũgeteithia

He kiugo kĩa bata ingĩenda kĩingĩre
Meciria-inĩ maaku gĩtagwo ‘ca’
Kwĩ maũndũ ũrĩonaga taarĩ ma goro
No ũma nĩ atĩ nĩ ma tũhũ

Na ũngĩaga gwĩkinya rĩmwe ũkamera ‘ca’
Mamwe no magagũikia irima
Ĩtĩkĩra kũnoga na kũhũthĩra hakiri
Mũico nĩũgakena

Ririkana mũno ciugo ici cia Daddy
Na wacifuata nĩũgeteithia

Njũũka narua nayo ĩgĩthiaga o narua
Wĩmenyerie gwetagĩrĩra
Thĩ nĩ ĩrĩ magego mĩkinyage kahora
Na nĩũgakinya harĩa ũngĩenda

Na ndũkaneigananie na arata aku
Ona ciara ciaku itiiganaine
Na wahota ũgaceeragĩra cũcũguo
Ndakaaga kiugo gĩa gũgwaka

Ririkana mũno ciugo ici cia Daddy
Na wacifuata nĩũgeteithia

Kairĩtu gakwa waneneha
Maitũ ndũkanatuĩke mbũrĩri
Ndũkanateng’eranie na thĩ
Na nĩũgũtũra maisha mega

Nĩnyonete maingĩ gũgũkĩra
Wathikĩrĩria nĩũgeteithia
Wathikĩrĩria nĩũgeteithia

Kairĩtu gakwa waneneha
tamba wĩyende we mwene
Na ũmenyere mũno kwĩyaria
Na ũthaka mwega nĩ wa ngoro

Tondũ njuĩrĩ no njuĩrĩ mami
Ona ĩngĩaga kuohũo no yenjwo
Ona ĩngĩaga kuohũo no yenjwo

Kairĩtu gakwa,
Njuĩrĩ no njuĩrĩ
Ona ĩngĩaga kuohũo,
Ndĩgagũthĩnie

Kairĩtu gakwa waneneha
Nĩũkona maingĩ makũgegie
Nĩũkona ciana riika rĩaku
Makĩananga kiugo ‘mbeca

Raha ndĩrĩ hĩndĩ ĩthiraga
Menya ona mũrĩo nĩũrĩaga
Menya ona mũrĩo nĩũrĩaga

Kairĩtu gakwa waneneha
Ndũkanathũkie mwĩrĩ waku
Mũthuuri riika rĩakwa mami
Ũcio ti wendo no anga ũrimũ
Ngai nĩakũigĩire manene
Menyerera hekarũ yake
Wamwĩhoka ndũngĩrĩa thĩĩna
Waaga kũndeithia nĩũgeteithia

Kairĩtu gakwa waneneha
Nĩũgakinya handũ ũndige
Ũkamenyerera mwanake ũcio
Ũrĩa ũtangĩenda gwĩkwo ndũgeke
Ona tũhĩĩ no tũrĩ ngoro
Na ningĩ ndĩakĩtwo na ihiga
Na ningĩ ndĩakĩtwo na ihiga

Wa Kwĩrũ
Ama tuhame Kenya
Twende Nyeri
Kairĩtu, wĩkinye ma,
Wĩmenyerere.
Tiga na ũ-slay queen,
Ndũngĩgũteithia
Menyera kũnoga ma mwana waniĩ,
Na nĩũgakena… nĩũgakena.
Nĩũgeteithia, ona waga kũndeithia
Sue wa Kuria,
Na aragĩria kairĩtu kau