John Demathew – Wega wa Mundu Lyrics

Wega wa Mũndũ no ũkarĩhwo na wega
Na ũrũ wake no ũkarĩhwo na ũrũ ĩ biũ
Gũtirĩ wa thĩĩ ũkarĩhĩrio igũrũ ĩ
Ndũkae kũona tawakĩherithia mũno ĩ nĩĩ
Wendo wandũnya ngwendete wanengere ũngĩ
Onawe ũgatũnywo wendete ũtigwo ũkĩrĩra ĩ mũno

Njĩka na njĩka nayo ndĩkagĩa marũrũ
Ũguo ndĩraigũa onawe noguo ũkaigua ĩ rĩmwe
Ũguo ndĩraturwo onawe ũgaturwo meerĩ
Thĩ ũrona nene ũkonaga ĩigana rũhĩ ĩ biũ
Ngwĩyũmĩrĩria Ngai no akahe wakwa
Ũrĩa gũtarĩ hĩndĩ ngona marĩ na ũngĩ ĩ tene

Nĩthumbũkaga na ngeyũria ciũria nyĩngĩ
Kaĩ hihi honey wameneire kĩĩ mũnyendi ĩ wakwa
Kana nĩ wendo wakĩrire digirii?
Ũkĩgĩa cama gũkĩra ũrĩa ndakuonagia ĩ?
niĩ-ũguo ndĩreyũria ũmenye onawe nĩ ũkeyũria
Wethage toro ũkaĩgua ũrĩrĩ ũrĩ na mĩigua ĩ darling

Ngeragia mũno gũtindania na arata akwa
Nĩgetha twarangie ndore kana we wariganĩra
Makahe ciugo ngona toniĩ ndĩna thĩĩna
No twatigana hakiri ciakwa ikahaica-ĩ mũno
Ũguo ndĩretherera arata no ũgetha
Na nogũkorwo ũkamacaria thĩ-ĩno yoothe-ĩ ũmagee

Marũa marĩa wanyandĩkĩire ma mũico
Ona irumi iria wanumire cirĩ o gũkũ ĩ thĩ-ĩno
Line ya mũico akanjĩĩra atĩ ngoka ũhiki
Nyone ũgĩkĩrwo mbete menye ndũrĩ wakwa ĩ rĩngĩ
Ũgũo wandĩkite na ũrĩa wothe wanumĩĩte
Onawe ũkarumwo ũkaiguaga o kwĩruta-ĩ muoyo

Wega wa Mũndũ no ũkarĩhwo na wega
Na ũru wake no ũkarĩhwo na ũru-ĩ biũ
Gũtirĩ wa thĩĩ ũkarĩhĩrwo igũrũ ĩ
Ndũkae kuona tawakĩherithia mũnoĩ ni ĩ
Wendo wandunya ngwendete wanengere ũngĩ
Onawe ũgatunywo wendete ũtigwo ũkĩrĩra-ĩ mũno