Wanja Asali – Wendo Wa Kuraya Lyrics

Mwendwa nĩwathiire na nowe twaiguithanĩtie
Ona gũtuĩka America wathiire gũthoma
Tuonanĩire kanitha-inĩ tũrĩ atongoria a yuthi
Nĩnjũĩ no ũgooka no ngaremwo kũmĩrĩria
Korwo no nyume mwĩrĩ-inĩ njũke na roho nguone
Atĩ ngĩcooka mwĩrĩ-inĩ njugage tuuma nawe

Kũraya ma nĩ kũũru atĩ ngwĩtaga na ndũngĩigua
Na gũtirĩ ũmwe witũ ũĩ rũciũ gũgakĩa atĩa
Nĩkĩo ndatũma rũhuho mũrĩmo ũcio wa iria
Rumagarĩtio nĩ ngĩta nginya kũrĩa wathiire

Ngwĩciragia nginya ngaigua kĩongo kĩanjia gũtuura
Ndarũgama ngaigua thiũrũra ma nĩgũkũmiss
Ciugo wanjĩraga ciarurumũka thakame-inĩ
Cindĩaga ta njohi ngaremwo kũiguithia maitũ
Kanitha njĩragwo atĩ niĩ ndũraga ndĩ mũrĩu
Mũnyaka mũhunjia nĩoĩ nĩ igũtha kuuma wathiĩ

Kũraya ma nĩ kũũru atĩ ngwĩtaga na ndũngĩigua
Na gũtirĩ ũmwe witũ ũĩ rũciũ gũgakĩa atĩa
Nĩkĩo ndatũma rũhuho mũrĩmo ũcio wa iria
Rumagarĩtio nĩ ngĩta nginya kũrĩa wathiire

Karĩ hinya ũrĩkũ ũcio ũkoragwo maithoinĩ maku
Ingĩkuona mbicainĩ ngoroinĩ kuumaga mwaki
Wendo ũngĩhoria heni na ngwa ikagambe kũraya
Ndakũmiss mburoti thitima no nginya irĩũra
Nginya ikombe na thani cicemanagie rĩerainĩ
**Nginya nja wa iria gĩcigĩrĩra kĩa bamunda

Kũraya ma nĩ kũũru atĩ ngwĩtaga na ndũngĩigua
Na gũtirĩ ũmwe witũ ũĩ rũciũ rũgakĩa atĩa
Nĩkĩo ndatũma rũhuho mũrĩmo ũcio wa iria
Rumagarĩtio nĩ ngĩta nginya kũrĩa wathiire

Mũthenya nyonaga tarĩ mĩaka ikũmi na ĩĩrĩ
Ndaigua gĩthingithia Bible ngamĩhũũra njegeke
Ngahoya Ngai ndakanine thĩ tũtonanĩte
Na ndiũĩ igũrũ kana nĩũkandirikana ũkĩina
Twĩ araika ndiũĩ kana nĩũkaugaga nĩwanjũĩ
Kana ma thĩ magathiranĩra hamwe na mwĩrĩ

Kũraya ma nĩ kũũru atĩ ngwĩtaga na ndũngĩigua
Na gũtirĩ ũmwe witũ ũĩ rũciũ rũgakĩa atĩa
Nĩkĩo ndatũma rũhuho mũrĩmo ũcio wa iria
Rumagarĩtio nĩ ngĩta nginya kũrĩa wathiire

Merirĩria ma gũkuona nĩ kĩũria ngaga anja
Njiguaga ta hingĩirwo nyũmba ĩtarĩ mũrango
Handũ hatarĩ rĩera nginya ngaremwo kũhihia
Ona ũheri wa riũa ndũngĩona ha kũgerera
No karwĩmbo ngoro-inĩ na ciugo cia ibuku rĩaku
Na ikinya wanyonetie ũtukũ ndioĩ nĩ kĩroto

Kũraya ma nĩ kũũru atĩ ngwĩtaga na ndũngĩigua
Na gũtirĩ ũmwe witũ ũĩ rũciũ rũgakĩa atĩa
Nĩkĩo ndatũma rũhuho mũrĩmo ũcio wa iria
Rumagarĩtio nĩ ngĩta nginya kũrĩa wathiire