https://youtu.be/PBP7Wf6FTO8

Muhinguri Lyrics by Ng’ethe Steve

Elshaddai ngũtarĩria ũhoti waku atĩa
Ngwĩciragia ngoro yakwa ĩkahĩahĩa
Ti rũciinĩ ti mĩaraho kana hwai-inĩ
Hinya waku ndũngĩtingiara na imera

Githĩ towe wanjũĩ mbere itanaciarwo
Ndahithĩtwo hitho-inĩ cia meciria maku
Hĩndĩ ĩyo itakũranĩtwo nĩ tĩĩri wa thĩ
Githĩ towe wahete kĩhurũko gwaku

We ũtaraga njuĩrĩ ciakwa na ibucia rĩa ritho
Wee ũmenyaga ngĩikara thĩ na ngĩũkĩra
Nowe wũithĩ’ranagia kũrĩa kũhitharu
Mũhingũri mĩrango itaringaringĩte

Twanacuhĩrĩrwo nĩ nduĩra ngoro ciitũ
Tũngauru twa werũ-inĩ na tũrĩ thumu
Githĩ towe ũthatagia mogwati mothe
Rĩtwa rĩaku nĩrĩo ng’o na wĩhitho witũ

Githĩ towe wonaga mũthenya mũũru ũgĩkĩa
No ũkagiria tũninũkio nĩ mĩtandiũko
Githĩ tũtianorwo nĩ fedha na dhahabu
Wega waku ũkagomana ngoro ciitũ

We ũtaraga njuĩrĩ ciakwa na ibucia rĩa ritho
Wee ũmenyaga ngĩikara thĩ na ngĩũkĩra
Nowe wũithĩ’ranagia kũrĩa kũhitharu
Mũhingũri mĩrango itaringaringĩte

Mũramati wa rũrĩmĩ na ciugo ciaruo
Ndĩ wĩra-inĩ kana hĩndĩ ĩrĩa hurũkĩte
Ona itarĩ ndĩratumũra kanua gakwa
Nĩũmenyaga kĩrĩa ndĩhithĩire ngoro-inĩ

Hinya wa maitho maku nĩkũ ũtangĩkinya
Gwata kũrĩa riũa rĩtakinyagia hinya
Ona ingĩthiĩ kwara ũrĩrĩ wakwa kwa ngoma
Nowe ũngĩkorwo wi hitho ya muoyo wakwa

We ũtaraga njuĩrĩ ciakwa na ibucia rĩa ritho
Wee ũmenyaga ngĩikara thĩ na ngĩũkĩra
Nowe wũithĩ’ranagia kũrĩa kũhitharu
Mũhingũri mĩrango itaringaringĩte

Nĩũndũ ũrĩkũ wanagũtuĩkĩra kĩriga
Gwata marĩa mothe matwagithagia toro
Ona ũtheri wakwa ũngĩnduĩkĩra nduma
Harĩ we nduma na ũtheri itirĩ ngũrani

Nĩngũkwenda na ndĩhokage riri waku
Kũngĩcingimana kana riũa rĩakane
Wee ũteithagia nyamũ cia gĩthaka kuohoka
Rũciũ rwakwa rũrotũũra moko-inĩ maku

We ũtaraga njuĩrĩ ciakwa na ibucia rĩa ritho
Wee ũmenyaga ngĩikara thĩ na ngĩũkĩra
Nowe wũithĩ’ranagia kũrĩa kũhitharu
Mũhingũri mĩrango itaringaringĩte

We ũtaraga njuĩrĩ ciakwa na ibucia rĩa ritho
Wee ũmenyaga ngĩikara thĩ na ngĩũkĩra
Nowe wũithĩ’ranagia kũrĩa kũhitharu
Mũhingũri mĩrango itaringaringĩte