Nĩ ũgeni-inĩ ndĩ gũkũ thĩ ti gwitũ
Gwitũ nĩ kwega gũtihaana gũkũ
Thĩ nĩ gwa thĩna gwitũ nĩ matu-inĩ
Ndĩriragĩria gũkinya kwa baba

Wega wa gwitũ ndũrĩ waiguĩka thĩ
Na ũthaka wakuo ndũrĩ wonekana
Kana ũgathugundũo nĩ mũndũ wa thĩ
Nokĩo ndĩriragĩrĩa thiĩ ngawone

Gũkũ thĩ ndĩ mũramati wa Kristo
Ngĩgathĩrĩria mũciĩ wa matu-inĩ
O nawe ũngĩenda no gũtuĩke gwaku
Ũrabatarania o wĩtĩkie Jesu

Wega wa gwitũ ndũrĩ waiguĩka thĩ
Na ũthaka wakuo ndũrĩ wonekana
Kana ũgathugundũo nĩ mũndũ wa thĩ
Nokĩo ndĩriragĩrĩa thiĩ ngawone

Ndiaringĩrĩirio no niĩ nderutĩire
Gũthiĩ ngacarie harĩa ingĩiganĩra
Ngĩoya ikinya rĩa wĩtĩkio ngĩtua itua
Ndakinya igũrũ no rĩo ngaiganĩra

Wega wa gwitũ ndũrĩ waiguĩka thĩ
Na ũthaka wakuo ndũrĩ wonekana
Kana ũgathugundũo nĩ mũndũ wa thĩ
Nokĩo ndĩriragĩrĩa thiĩ ngawone

Nĩ maingĩ mũno ndigĩte na thutha
O na nĩ maingĩ ngũtũnga njĩra-inĩ
Mega na moru ũcio ti thĩna wakwa
Muoroto wakwa no ngakinya igũrũ

Wega wa gwitũ ndũrĩ waiguĩka thĩ
Na ũthaka wakuo ndũrĩ wonekana
Kana ũgathugundũo nĩ mũndũ wa thĩ
Nokĩo ndĩriragĩrĩa thiĩ ngawone

Mwathani wakwa nyongerera hinya
Wee Jesu wakwa ndĩroka gũkuona
Ndongoria baba ngarĩkia rũgendo
Tondũ gũkũ thĩ ndũũraga na thĩna

Wega wa gwitũ ndũrĩ waiguĩka thĩ
Na ũthaka wakuo ndũrĩ wonekana
Kana ũgathugundũo nĩ mũndũ wa thĩ
Nokĩo ndĩriragĩrĩa thiĩ ngawone