Ngai niĩ nĩngũmenyete
Ũhotani ũyũ witũ
Nduumĩte kũrĩ andũ a thĩ-ĩno
Uumĩte kĩgongona-inĩ

Harĩa ithuĩ twarũgamĩte
Baba ithuĩ tũgĩkũhoya
Tũrĩ na maithori maingĩ
Ona ningĩ ruo rũingĩ

Hannah ndangĩrĩra rĩngĩ
Ona korwo nĩekũrĩra
No arĩrire ma gĩkeno
Tondũ Ngai nĩamũiguĩte

Nĩngũturia maru makwa
Mbere yaku we Murungu
Ndĩrĩre kĩgongona-inĩ
Ndehe thĩna wakwa wothe

Ona korwo kũrĩ na andũ
Marũngiĩ manjũthĩrĩirie
Nĩnjũĩ ngĩũkĩra haha
No nginya rĩtwa rĩcenjie

Hannah ndangĩrĩra rĩngĩ
Ona korwo nĩekũrĩra
No arĩrire ma gĩkeno
Tondũ Ngai nĩamũiguĩte

Onawe wananyũrũrio
Nokagĩrwo kĩene nĩ andũ
Tondũ mũtũrĩre waku ĩ
Ndũrũgamĩte ta wao

Tiga kĩeha Ngai aroiga
Nĩaiguĩte kĩrĩro giaku
Ũgĩũkĩria maru maku ĩĩ
No mũtũrĩre ũgũcenjia

Hannah ndangĩrĩra rĩngĩ
Ona korwo nĩekũrĩra
No arĩrire ma gĩkeno
Tondũ Ngai nĩamũiguĩte

Mwaka ũyũ niĩ nĩ wakwa
Onawe kiuge nĩ waku
Kĩrĩa ũtũire wetereire
Ihinda rĩaku ũkĩneo

Ambia gũgĩcokia ngatho
Na wĩre Ngai nĩ wega
Kũrumwo na kũnyũrũrio
Onacio nĩciakinya mũico

Hannah ndangĩrĩra rĩngĩ
Ona korwo nĩekũrĩra
No arĩrire ma gĩkeno
Tondũ Ngai nĩamũiguĩte

Amũkĩra ngatho ciakwa
Nĩ marĩa Ngai wĩkĩte
Mũtũrĩre-inĩ ũyũ wakwa
Ngai niĩ nĩnguonete

Nĩũhotanĩire gwĩ thũ
Cia mũtũrĩre ũyũ wakwa
Ndahoya ngumo na ũgooci
Jehovah igũcokerere

Hannah ndangĩrĩra rĩngĩ
Ona korwo nĩekũrĩra
No arĩrire ma gĩkeno
Tondũ Ngai nĩamũiguĩte

Hannah ndangĩrĩra rĩngĩ
Ona korwo nĩekũrĩra
No arĩrire ma gĩkeno
Tondũ Ngai nĩamũiguĩte