John De’Mathew – Nikio Ngukuraciria Lyrics

Riũ nĩmenyete kũrĩ wendo nĩũndũ waku tu we baby
Ndamenyea ndatũraga werũ-inĩ kũndũ kwarĩ riũa inene
Kiss nĩ Kĩndũ niĩ itarĩ ndona ndĩramĩonire twamenyana
Kweli mũndũ no akũrĩre riko tiniĩ nĩ Gĩkũyu waugire

Ndatũire nduĩrĩirwo shati ifungo ndukĩrĩirwo ngiumĩra wĩra
Ngĩũragio maraya muma namo anga nĩmakũrekereria
Nda-imagine tiga no Maina wa Youngline tũcemanirie
Akĩndeithia gu-clear ngita ndetĩtie Wambui London

Nĩkĩo nguoya mbũri irĩ mĩrongo
Kenda na kenda ngũracĩrie
Nĩkĩo nguoya mburi irĩ mĩrongo
Ndacĩrie aciari maturathime

Ndĩratũire ngomaga ngari-inĩ bedroom ndiramĩonaga
Ciana ciakwa cigĩthiĩ cukuru cingeithagie Morning daddy
Nda-imagine tiga no Kamande Investor tũronanire
Ngĩrĩha balance ya mũgũnda ndatigĩtie kũrĩa Gĩkono

He mũthenya ũmwe wa ũtũũro wakwa ndĩrĩinaga nginya ngakua
Ndakuonire ũgĩ-serve andũ irio ũthoni wa Kiongo ithe wa Carol
Ngĩgũcema nginya ũkĩhe date tũgacemania twaranganie
Nĩ wanyendire ona ũkĩhikĩra ũkĩnduta irima rĩa gĩkuũ

Nĩkĩo nguoya mbũri irĩ mĩrongo
Kenda na kenda ngũracĩrie
Nĩkĩo nguoya mburi irĩ mĩrongo
Ndacĩrie aciari maturathime

Nakĩo kĩrĩndĩ gĩkĩ kĩa Musa mona ti itherũ nĩ twahikania
Makĩigĩrĩra gĩcambio igũrũ ũrĩa wĩhũrithĩtie ithukĩ
Bahati no Mwai wa Mandela akĩnjĩra mũreretwo hamwe
Na mũkũrĩtio mwĩ kanitha-inĩ ndigane nao no mehe mehe

Ndoka nogete nĩ ũheaga pole sweety nĩ ũndũ wa wĩra
Na hĩndĩ ĩrĩa niĩ ndĩna pressure ũkanjihũrĩria wendo igathira
Ndatukĩrĩrwo na ithe wa Nyawira ũkanjĩra arũme nĩ marangagia
Tondũ nĩũĩ kũu rũhĩa-inĩ baby nĩkuo indo ciumaga

Nĩkĩo nguoya mbũri irĩ mĩrongo
Kenda na kenda ngũracĩrie
Nĩkĩo nguoya mburi irĩ mĩrongo
Ndacĩrie aciari maturathime