Ndigũgũtengũra niĩ, njĩtĩkĩria ngwĩtwe maitũ
Nĩnjũĩ ndagwĩta ũguo, ndũngĩenda kũnyona rĩngĩ
No nĩnjũĩ nĩũĩ, nĩnyendete kaana gaku
Nĩũĩ ruo rwa wendo, tiga kũnditũhĩria

Nĩwanjĩrire ndigane na kahinga nda gaku
Atĩ noko kairĩtu ici ingĩ ciothe nĩ imwana
Nĩ wendo wa muciari na ndingĩgũkua ũũru
No akorwo nĩ mahĩtia ma kũmwenda kaba ngahĩa

Nĩnyendete gasheri na ndingĩkũhitha maitũ
Wee nĩũĩ ndeto icio no harĩa arĩ kana gaku
Nĩkũrĩ ya kũrĩo na nĩkũrĩ ya kũrĩithia
Ndĩmũririkanaga ngooria Ngai wakwa kĩũria

Nĩwanjĩrire ndigane na kahinga nda gaku
Atĩ noko kairĩtu ici ingĩ ciothe nĩ imwana
Nĩ wendo wa muciari na ndingĩgũkua ũũru
No akorwo nĩ mahĩtia ma kũmwenda kaba ngahĩa

Ndamũkora hanyu marĩ na ciana ingĩ ciao
Ndamuona ũrĩa akenete ngoria kaba angĩrĩ witũ
No mĩikarĩre iitũ na mĩtugo ya ũndũire
Kaba ũguo atarĩ witũ he mwĩhoko atuĩke wakwa

Nĩwanjĩrire ndigane na kahinga nda gaku
Atĩ noko kairĩtu ici ingĩ ciothe nĩ imwana
Nĩ wendo wa muciari na ndingĩgũkua ũũru
No akorwo nĩ mahĩtia ma kũmwenda kaba ngahĩa

Nĩwahĩtirie maitũ nĩkũmũtwara kũraya
Ũkĩmũtwarĩra angĩ moĩ atĩ nyina e kũraya
Ũkĩmenyaga wega ndangĩrema arũme oothe
Ndakorwo itamuonete njĩra niĩ ngainũkia kĩ

Nĩwanjĩrire ndigane na kahinga nda gaku
Atĩ noko kairĩtu ici ingĩ ciothe nĩ imwana
Nĩ wendo wa muciari na ndingĩgũkua ũũru
No akorwo nĩ mahĩtia ma kũmwenda kaba ngahĩa

Korwo nĩwamenyete ndũngĩaikirie kaara riko
Gũtũũra ũmũhingĩire nĩ gũkunĩkĩra mbomu
Nĩ mũirĩtu ta arĩa angĩ na thakame yake no hiũ
Ngwa ĩrĩa ĩgakwambũra ĩreka mazoezi Baringo

Nĩwanjĩrire ndigane na kahinga nda gaku
Atĩ noko kairĩtu ici ingĩ ciothe nĩ imwana
Nĩ wendo wa muciari na ndingĩgũkua ũũru
No akorwo nĩ mahĩtia ma kũmwenda kaba ngahĩa

Ndigũgũtengũra niĩ, njĩtĩkĩria ngwĩtwe maitũ
Nĩnjũĩ ndagwĩta ũguo, ndũngĩenda kũnyona rĩngĩ
No nĩnjũĩ nĩũĩ, nĩnyendete kaana gaku
Nĩũĩ ruo rwa wendo, tiga kũnditũhĩria

Nĩwanjĩrire ndigane na kahinga nda gaku
Atĩ noko kairĩtu ici ingĩ ciothe nĩ imwana
Nĩ wendo wa muciari na ndingĩgũkua ũũru
No akorwo nĩ mahĩtia ma kũmwenda kaba ngahĩa