Mwathani wakwa njakanĩria tawa
Nyũmĩtwo thutha nĩ nduma nene
Mbere ciĩruru ihana mahiga
Kũrĩa thũ ciakwa injetereire

Nĩ ndakũhoya ũrekie mũraika
Ngĩkinya kũu ngore makomete
Ngoro-inĩ yakwa njage ihooru

Nyũmba ĩno yaku wakire na thĩna
Ũrigicĩirio nĩ oragani
Nawe wakire ũgwete kĩhoto
Waragia kiugo gĩkahootana

Nĩ warũire mbara yarĩ hinya
Athamaki a thĩ magĩgwĩtigĩra
O na kwa ngoma ũgĩĩtigĩrwo

Gũtirĩ ũcamba ũkĩrĩte waku
Gũtirĩ ũrũme ũkĩrĩte waku
Njagĩte guoya nĩ kũmenya wega
Nĩ nũmĩrĩire njamba ĩrĩ ũrũme

O na mangĩũka mega kana moru
Nganyita mega ngatoria maũru
Nyunage maru ngoiga nĩ wega

Ndakinya kũu ndakorire aira
Naniĩ ngĩtuĩka o ũmwe mũira
Ndakora athuri ngĩhana mũthuri
Ndakora ciana ngĩhana mwana

Korũo ũndũ ũcio no ũtuĩke nduma
Nĩ njũĩ wega ũcio ti wendo waku
Ũcio nĩ wendi wa ũrĩa mũũru

Ndokire gwaku ũkĩnyonia mũhaka
Ũrĩa ũrigicĩirie gwaku mũciĩ
Na ũgĩcooka ũkĩnyonia watho
Ũrĩa ũtũraga nyũmba-inĩ yaku

Nĩguo ndikae kũnyita kaũru
Tondũ woigire mwĩkĩ ũru wothe
Ũcio nĩ mwana wa ũrĩa mũru

Rũgendo rũrũ rwakinya mũthia
Nĩ njũĩ wega ngakena mũno
Maitho makwa nĩmakerorera
Ũrĩa nderirwo nĩ ngeyonera

Irĩkanĩro ciothe nĩ ikahinga
Cia andũ arĩa athingu matũũre na thayũ
Ngoro-inĩ ciao ihurũkĩĩte