Rĩu ndĩgwĩtaga mũrũi wa mbaara
Tondũ ndĩna wũira wa ũrĩa ũrũaga
Thũ cia muoyo wakwa irabangĩte kũhukia
Ũrandũĩrĩra tondũ wee ndũcenjagia.

Nĩwega Mwathani tondũ we ndũcenjagia
Arata macenjia wee Ngai ndũcenjagia
Mbaara yaneneha wee Ngai ndũcenjagia
O wee ũtacenjagia nĩĩwe ngũtũrĩra

Ndakinyĩte handũ niĩ ngorwo nĩ hinya
Nĩ ũrĩa thũ ciakwa ciokĩte na hinya mũingĩ
Ciathekagĩrĩra cikoiga ndingĩtoria
No wee nĩwokire naũkĩndũĩrĩra

Nĩwega Mwathani tondũ we ndũcenjagia
Arata macenjia wee Ngai ndũcenjagia
Mbaara yaneneha wee Ngai ndũcenjagia
O wee ũtacenjagia nĩĩwe ngũtũrĩra

Oo ta Jephitha nĩtwarĩ na kĩrĩko
Atĩ ingĩgathiĩ mbaara-inĩ ĩyo na hotane
Kĩrĩa gĩkandũnga ngiuma mbaara-inĩ ĩĩyo
Nĩngakũrutĩra ta igongona rĩa ngatho

Nĩwega Mwathani tondũ we ndũcenjagia
Arata macenjia wee Ngai ndũcenjagia
Mbaara yaneneha wee Ngai ndũcenjagia
O wee ũtacenjagia nĩĩwe ngũtũrĩra

Narĩu Mwathani nĩndooka hekarũ-inĩ
Ngũcokerie ngatho ta ũrĩa twarĩkanĩire
Narĩo ihoya rĩakwa nĩũndeithie Mwathanĩ
Ndũũre ngwĩhokete matukũ makwa mothe

Nĩwega Mwathani tondũ we ndũcenjagia
Arata macenjia wee Ngai ndũcenjagia
Mbaara yaneneha wee Ngai ndũcenjagia
O wee ũtacenjagia nĩĩwe ngũtũrĩra

Tũũra ũndeithagia tũũra ũmenyereire
Ũndũagĩrĩre tondũ wee ndũcenjagia
Mbaara yaneneha Ngai wee ndũkandige
Ũndũagĩrĩre tondũ wee ndũcenjagia
Ndũkanahe thũ ciakwa kanya manyarire
Ũndũagĩrĩre tondũ wee ndũcenjagia