Mũthenya wa mbere ndakuona nĩndakwendire ĩ
Na ngĩtua na ngoro wĩ ithaga rĩa Wa Mariah
Ũritũ wa wendo nĩkĩrĩa kiumaga ngoro ĩ
Ndagũthaitha nguhĩrĩria wĩtĩkie ti kwĩyugithia
Ũritũ wa wendo nĩkĩrĩa kiumaga ngoro ĩ
Ndagũthaitha nguhĩrĩria wĩtĩkie ti kwĩyugithia

Wambere nĩ ngatho kũrĩ Ngai na kũrĩ we ĩ
Nĩkũnyenda oro ũguo hatarĩ mũthutũkanio
Ti ng’ano cia marimũ, ti kĩgathĩ ndĩnakĩo ĩ
Mũikari gĩtina nĩwe ũũĩĩ thambo ĩrĩaga kĩ
Ti ng’ano cia marimũ, ti kĩgathĩ ndĩnakĩo ĩ
Mũikari gĩtina nĩwe ũũĩĩ thambo ĩrĩaga kĩ

Babie hingũra! mũrango wa ngoro nyingĩre ĩĩ
Ndingĩthũũra kũigua wega ndĩĩtage mũthamaki
Ndũhingũre mũrango wa ngoro nyingĩre ĩĩ
Ndingĩthũũra kũigua wega ndĩĩtage mũthamaki

Waigua ngiũmũkania gĩkeno kĩihũire ngoro ĩĩ
Niĩ ndigũkũhitha ngũroraga ngahorera
Nĩkĩo ndĩtĩaga nginyũkĩtie na mwĩcuno ĩ
Kĩrĩa ndinyitĩire nĩ thahabu ndingĩrekereria
Nĩkĩo ndĩtĩaga nginyũkĩtie na mwĩcuno ĩ
Kĩrĩa ndinyitĩire nĩ thahabu ndingĩrekereria

Kanua nĩ kuumbũra ngoro ĩgekĩra sign ĩĩ
Kũhanda mahũa na gũitĩrĩria maaĩ
Nguongerera thumu nĩgetha ngoro ĩrirũke ĩĩ
Magetha maingĩhe na mũciĩ witũ ũgeme kũgema
Nguongerera thumu nĩgetha ngoro ĩrirũke ĩĩ
Magetha maingĩhe na mũciĩ witũ ũgeme kũgema

Babie hingũra! mũrango wa ngoro nyingĩre ĩĩ
Ndingĩthũũra kũigua wega ndĩĩtage mũthamaki
Ndũhingũre ee mũrango wa ngoro nyingĩre ĩĩ
Ndingĩthũũra kũigua wega ndĩĩtage mũthamaki

Niĩ babie wanyona thayũ wa ngoro ndĩnaguo ĩ
Gĩtũmi wanona mena mbeca na icoka nene
Wanaikĩrio mĩhũa yarũmena ũndiganie ĩĩ
Ndũrĩ wandirika kabĩrĩbĩrĩ gakwa ka ngoro
Wanaikĩrio mĩhũa yarũmena ũndiganie ĩĩ
Ndũrĩ wandirika kabĩrĩbĩrĩ gakwa ka ngoro

Ũyũ mũtũrĩre twagĩrĩirwo gũteithania ĩĩ
Ona hĩndĩ ya Nuhu ciangĩraga igĩrĩ igĩrĩ
Marehe mũcene tũmonererie gacĩĩra ĩ
Magerie mũnyaka handũ hangĩ thĩ ndĩgana rũhĩ
Marehe mũcene tũmonererie gacĩĩra ĩ
Magerie mũnyaka handũ hangĩ thĩ ndĩgana rũhĩ

Babie hingũra! mũrango wa ngoro nyingĩre ĩĩ
Ndingĩthũũra kũigua wega ndĩĩtage mũthamaki
Ndũhingũre ee mũrango wa ngoro nyingĩre ĩĩ
Ndingĩthũũra kũigua wega ndĩĩtage mũthamaki