Muigai wa Njoroge – Maharaganie Lyrics

Ngai wa maithe maitũ mwĩhoko wa ngoro yakwa
Wee wandutire nda ya maitũ ndĩrĩ o mũgima
Ugaga nĩũĩ mathĩna makwa ona kũngĩra
Ngoro ĩno ĩkĩgirĩka nĩũmenyaga yendaga kĩ

Kaba gũtukĩrĩrwo mũtitũ wĩ nyamũ njũru
Ũmenyage kwĩ nyamũ nĩũrabatara kwĩrora
Kũrĩ gũtũrania na andũ na ugage nĩ arata
No maikara thĩ nĩwe maciragĩrĩra o ũũru

Rĩrĩa magaikara thĩ nĩguo manjirĩrĩre
Ngai wakwa ũgakorwo ho ũmaharaganie
Magĩcirĩra muoyo wakwa matarĩ na tha
Ngai wakwa ũgakorwo ho ũmaharaganie

Irema iria ndanagĩa ona ikanduura makĩria
Ti cia kũhũrwo mwĩrĩ ona kana kũgurario
Nĩ ciugo iria ndanaikio njũgĩ kwĩ rũhiũ rwa njora
Igatheca ngoro yakwa ĩgatũũra ĩhenũkagwo

Mwena wakwa maroraga o ũrĩa mũhũthũ
Rĩrĩa ndorete kũgũa no hĩndĩ makenũkaga
Manduagĩra ciira makoiga ũrĩa niĩ ndĩ mwĩhia
Ti itherũ thayũ wakwa nĩũmathĩnagia o mũno

Rĩrĩa magaikara thĩ nĩguo manjirĩrĩre
Ngai wakwa ũgakorwo ho ũmaharaganie
Magĩcirĩra muoyo wakwa matarĩ na tha
Ngai wakwa ũgakorwo ho ũmaharaganie

Matiũĩ atĩ nĩwe ũnjaragĩria ikiria nyoni
Ũtũkũ marĩ toro wee nĩũkaga kũndora
Ũkahe mũndũ wa nathĩiniĩ irio akagĩa hinya
Ngagĩkoora ngĩaria maũndũ manene kũngĩra

Matũ marĩa makenagio nĩniĩ marorathimwo
Tũnua twa arĩa makenagio nĩniĩ tũrondathima
Arĩa mandiragĩrĩra ũmatiragĩrĩre
Ĩĩ nacio thũ ciakwa cirotumanĩrwo nĩ nduma

Rĩrĩa magaikara thĩ nĩguo manjirĩrĩre
Ngai wakwa ũgakorwo ho ũmaharaganie
Magĩcirĩra muoyo wakwa matarĩ na tha
Ngai wakwa ũgakorwo ho ũmaharaganie

Wee waikirie Firaũni iria-inĩ ta ihiga
Hĩndĩ ĩrĩa ateng’eretie ndungata ciaku ikĩinũka
Njoya tu na igũrũ o ũrĩa ũtũũraga ũnjoyaga
Teng’era ũnguĩte marigwo ndagerera ha

Maithori maya ndĩraita marogũkinyĩrĩra
Ruo rũrũ rwĩ ngoro ũroruona na ũrũmenye
Ngai mwene kĩheo gĩkĩ ũrokĩrũĩrĩra
Ũreke ndũũre matukũ maingĩ nginya ngaigania

Rĩrĩa magaikara thĩ nĩguo manjirĩrĩre
Ngai wakwa ũgakorwo ho ũmaharaganie
Magĩcirĩra muoyo wakwa matarĩ na tha
Ngai wakwa ũgakorwo ho ũmaharaganie

Rĩrĩa magaikara thĩ nĩguo manjirĩrĩre
Ngai wakwa ũgakorwo ho ũmaharaganie
Magĩcirĩra muoyo wakwa matarĩ na tha
Ngai wakwa ũgakorwo ho ũmaharaganie