Ngai rĩrĩa watuire kũũmba mũndũ
Werire arĩa me igũrũ nĩtũũmbei mũndũ
Mũgĩteithania wĩra ũcio,
Mũgĩthondeka o kĩmwĩrĩ gĩtheri gĩtarĩ muoyo
Ũgĩcooka ũkĩmaingata nĩgetha makweherere
Ũgĩtigwo na mwĩrĩ ũyũ ũmenye ũrĩa ũgwĩka ngĩe muoyo

Hĩndĩ ĩrĩa Ezekieli aikũrũkire gĩtuamba-inĩ kĩa mahĩndĩ akamarathĩre
Amarathĩra ria mbere moothe magĩcokanĩrĩra na makĩgĩa na nyama
Amarathĩra ria keerĩ ũgĩatha mĩhũmũ ya muoyo
Ĩgĩũka ĩrĩ rũhuho-inĩ hitho ya muoyo nĩ yaku

Wee wahũmũkĩire mũndũ wa mbere akĩgĩa na muoyo
Hũmũkĩra maisha makwa
Wee wahũmũkĩire mahĩndĩ momũ makĩgĩa na muoyo
Hũmũkĩra ngoro yakwa
Nĩyũragĩtwo nĩ andũ aingĩ makĩnjĩĩra ndingĩhota
Wee Mũhũmũki wa muoyo hũmũkĩra ndũũre muoyo

Hitho wa muoyo nĩ yaku wega kana ũũru wa mũndũ ndũngĩmũtũũria muoyo
Mũndũ ona angĩrutanĩria ndangĩhota kwĩyongerera ona rũcuĩrĩ rwa mũtwe
Daudi augire gũkũmenya nĩ gĩthima kĩa muoyo
Gũkũmenya nĩ kũmenya hinya ũtooragwo nĩ hinya

Na tiga njĩtĩkĩtie ũguo ona ngehoka hinya ũrĩa ũkoragwo kiugo-inĩ gĩaku
Na tiga njũĩ nĩwe warahũraga roho wa mũndũ rĩrĩa ahoererekeire
Mahorokera nĩ maingĩ ndanahorokerio nĩ andũ
Na ciugo cia kũnjũraga ngoro nĩgetha ndĩmene.

Wee wahũmũkĩire mũndũ wa mbere akĩgĩa na muoyo
Hũmũkĩra maisha makwa
Wee wahũmũkĩire mahĩndĩ momũ makĩgĩa na muoyo
Hũmũkĩra ngoro yakwa
Nĩyũragĩtwo nĩ andũ aingĩ makĩnjĩĩra ndingĩhota
Wee Mũhũmũki wa muoyo hũmũkĩra ndũũre muoyo

Hitho ya muoyo nĩ yaku waugire nĩwe ũtũmaga gũtũũrwo kana gũkuo
Na ũkiuga arĩa mahandĩtwo nyũmba-inĩ yaku nĩmegũtũũra o nginya makaigania
Ũmarokagĩria mĩhũmũ ya muoyo o rũciinĩ
Nĩ ũtana waku wanagiria ngakoma mbĩrĩra-inĩ

O mũthenya nĩgũthikanagwo o mũthenya mbĩrĩra nĩciamũkagĩra andũ
Na ndũire hĩtũkanaga na gĩkuũ na ndũrĩ wareka gĩthiĩ na muoyo wakwa
ũngiuga kuuma ũmũthĩ ndĩrorage ingĩambĩrĩria ha?
Tũũra ũheaga mĩhũmũ ndũũre nginya ngaigania

Wee wahũmũkĩire mũndũ wa mbere akĩgĩa na muoyo
Hũmũkĩra maisha makwa
Wee wahũmũkĩire mahĩndĩ momũ makĩgĩa na muoyo
Hũmũkĩra ngoro yakwa
Nĩyũragĩtwo nĩ andũ aingĩ makĩnjĩĩra ndingĩhota
Wee Mũhũmũki wa muoyo hũmũkĩra ndũũre muoyo

Ũngiuga ndĩgitage gĩkuũ Ngai ingĩkĩgiita atĩa? Ũngĩndiga ingĩrora kũ?
Mũrĩithi wa muoyo wakwa ũngĩnjeherera ndingĩtinda ona gathaa kwamwe
Ti gũgwatha ngũgwatha Ngai wakwa nĩgũgũthaitha
Tondũ wa tha ciaku ũreke ngaigananĩria matukũ

Tũũra ũheaga mĩhũmũ ndũũre muoyo nginya ngoona ciana cia ciana ciakwa
Na tondũ nĩũthũire gĩkuũ kĩa mũndũ mwaganu ndeithia kuumĩrania ngoro nawe
Nĩguo ona rĩrĩa ngakoma thiĩ na njĩra ĩtacokagwo
Ngamũkĩrwo gĩkeno-inĩ ũthamaki-inĩ wa matu-inĩ

Wee wahũmũkĩire mũndũ wa mbere akĩgĩa na muoyo
Hũmũkĩra maisha makwa
Wee wahũmũkĩire mahĩndĩ momũ makĩgĩa na muoyo
Hũmũkĩra ngoro yakwa
Nĩyũragĩtwo nĩ andũ aingĩ makĩnjĩĩra ndingĩhota
Wee Mũhũmũki wa muoyo hũmũkĩra ndũũre muoyo

Wee wahũmũkĩire mũndũ wa mbere akĩgĩa na muoyo
Hũmũkĩra maisha makwa
Wee wahũmũkĩire mahĩndĩ momũ makĩgĩa na muoyo
Hũmũkĩra ngoro yakwa
Nĩyũragĩtwo nĩ andũ aingĩ makĩnjĩĩra ndingĩhota
Wee Mũhũmũki wa muoyo hũmũkĩra ndũũre muoyo

Wee mũhũmũki wa muoyo, hũmũkĩra ngoro ciitũ
Wee mũhũmũki wa muoyo, hũmũkĩra mĩciĩ iitũ
Wee mũhũmũki wa muoyo, hũmũkĩra wĩĩra wiitũ
Wee mũhũmũki wa muoyo,hũmũkĩra bũrurĩ ũyũ
Wee mũhũmũki wa muoyo,hũmũkĩra ndũũre muoyo
Weee mũhũmũki, hũmũkĩra ndũũre muoyo
Weee mũhũmũki, hũmũkĩra ndũũre muoyo
Weee mũhũmũki, hũmũkĩra ndũũre muoyo