Bethlehemu Juda kwagĩa na ng’aragu
Naomi na nyũmba yake makĩũrĩra Moabi
Makinya kũu andũ a nyũmba yake magĩkua oothe
Nĩ tondũ manyitire njĩra ya mũthũrũrũko

Nĩtwarega kũnyita njĩra ya mũthiũrũrũko
Ya gũtumĩrĩria Moabi bũrũri wa mathĩna
Ngai tũcokie gwaa’ku Bethlehemu Juda
Gwataũrwo nĩ kuuga nyũmba ya mĩgate.

Naomi anyita njĩra ya mũthiũrũrũko
Yamuumĩrĩirie Moabi bũrũri wa mathĩna
Agĩtiga bũrũri wao waarĩ wa kĩrathimo
Bethlehemu Juda nyũmba ya mĩgate

Nĩtwarega kũnyita njĩra ya mũthiũrũrũko
Ya gũtumĩrĩria Moabi bũrũri wa mathĩna
Ngai tũcokie gwaa’ku Bethlehemu Juda
Gwataũrwo nĩ kuuga nyũmba ya mĩgate.

Andũ arĩa maremagwo nĩgweterera Ngai
Magatongorio nĩ mwĩrĩ na meciria maao
Maumagĩrĩra njĩra-inĩ ya mũthiũrũrũko
Ĩkamatũũria na thĩna na ng’aragu na nyota

Nĩtwarega kũnyita njĩra ya mũthiũrũrũko
Ya gũtumĩrĩria Moabi bũrũri wa mathĩna
Ngai tũcokie gwaa’ku Bethlehemu Juda
Gwataũrwo nĩ kuuga nyũmba ya mĩgate.

Nĩkũrĩ andũ manyitanire narata ooru
Makĩmanyitithia njĩra ya mũthiũrũrũko
Makĩhũthĩra indo ciao ũũru cigĩthira
Marĩraga makĩũragia nũũ ũngĩmaruta kuo

Nĩtwarega kũnyita njĩra ya mũthiũrũrũko
Ya gũtumĩrĩria Moabi bũrũri wa mathĩna
Ngai tũcokie gwaa’ku Bethlehemu Juda
Gwataũrwo nĩ kuuga nyũmba ya mĩgate.

Kũrĩ angĩ matũirio njĩra-inĩ ya mũthiũrũrũko
Nĩ mathĩna ma mĩrimũ matũũraga na ndawa
Mendirie indo ciao ciothe nginya cigĩthira
Ngai witũ wee nowe ũngĩhota kũmaruta kuo

Nĩtwarega kũnyita njĩra ya mũthiũrũrũko
Ya gũtumĩrĩria Moabi bũrũri wa mathĩna
Ngai tũcokie gwaa’ku Bethlehemu Juda
Gwataũrwo nĩ kuuga nyũmba ya mĩgate.

Nĩtwarega gũtũũra tũthigithaga handũ hamwe
Gũtũũra tũkianagia mũtondo wa mathĩna
Ngai tũrute njĩra-inĩ ya mũthiũrũrũko
Ũtuonie njĩra njerũ ĩtumĩrie irathimo-inĩ

Nĩtwarega kũnyita njĩra ya mũthiũrũrũko
Ya gũtumĩrĩria Moabi bũrũri wa mathĩna
Ngai tũcokie gwaa’ku Bethlehemu Juda
Gwataũrwo nĩ kuuga nyũmba ya mĩgate.

Nĩtwarega kũnyita njĩra ya mũthiũrũrũko
Ya gũtumĩrĩria Moabi bũrũri wa mathĩna
Ngai tũcokie gwaa’ku Bethlehemu Juda
Gwataũrwo nĩ kuuga nyũmba ya mĩgate.