Phyllis Mbuthia ft Sammy Irungu – Warika Gutwenda

Watwendire rĩrĩa twameneke
Gũtarĩ mũndũ wa gwĩtanio na ithuĩ
Tũtionaga ũndũ mwega ũngĩtũkenia aa
Nĩ maithori, nĩwe watũgarũrĩire maũndu

Wee warika gũtwenda ũgĩtwenda
O gũtwenda
Nginya arĩa matũthũire moranagia
Aya mendagĩrwo kĩ,
Ha gũtwenda wee Ngai Nĩũtwendete

Nĩ twatũire tunagwo thimo nĩ andũ
Tũkoragio ithuĩ tũkoimĩrĩra kũ
No warĩkia gũtwenda ũgĩtwenda
Ũgĩtũrathima ĩ,
Ũgĩũka ũgĩtũcenjeria maũndũ

Wee warika gũtwenda ũgĩtwenda
O gũtwenda
Nginya arĩa matũthũire moranagia
Aya mendagĩrwo kĩ,
Ha gũtwenda wee Ngai Nĩũtwendete

Hĩndĩ ĩyo twacuhĩrĩirwo nĩ ihoru
Tweriragĩria o gũcenjerio rĩtwa
Ta Jabezu twetanagio na kĩeha
Ũgĩtũkenia ĩĩ
Hau nĩho twamenyeire gũkena

Wee warika gũtwenda ũgĩtwenda
O gũtwenda
Nginya arĩa matũthũire moranagia
Aya mendagĩrwo kĩ,
Ha gũtwenda wee Ngai Nĩũtwendete

Wendo wa Ngai nĩũgũkinyĩrĩire
Wee ũtũũraga itũũra rĩa mĩnyamaro
O wee wũinamanĩtio nĩ mathĩna
Ngai aroiga ĩĩ,
Irathimo-inĩ nĩakuoneire kamweke

Wee warika gũtwenda ũgĩtwenda
O gũtwenda
Nginya arĩa matũthũire moranagia
Aya mendagĩrwo kĩ,
Ha gũtwenda wee Ngai Nĩũtwendete

Nĩtũũranagia Ngai atwendeire kĩ
Na tikwagĩra twagĩrĩte mũno
Atwendire ona rĩrĩa tũtaamũũĩ
Agĩtwenda aa
Wendo wake ũtũheithagia mĩnyaka

Wee warika gũtwenda ũgĩtwenda
O gũtwenda
Nginya arĩa matũthũire moranagia
Aya mendagĩrwo kĩ,
Ha gũtwenda wee Ngai Nĩũtwendete

Wee warika gũtwenda ũgĩtwenda
O gũtwenda
Nginya arĩa matũthũire moranagia
Aya mendagĩrwo kĩ,
Ha gũtwenda wee Ngai Nĩũtwendete