Tiga ni Ngai wa Baba uragukanirie,
Ũrabangĩte kũnyinũkia itarĩ mũcaara,
Ciarĩ ciugo cia Jakubu akĩĩra Labani,
Nĩũngĩranjĩkire ũũru Ngai arakũgiria.

Matikoragwo marĩ eega nĩ Ngai ũmagiragia,
Manageria gũtũteng’ũra Ngai akamakũũma,
Manenda gũtũinũkia ũtheri tũtarĩ mũcaara,
Manatũbangĩra mũthiro akamoha magũrũ.

Amũcenjagĩria mũcaara wake hĩndĩ ciothe,
Arutia mahiũ-inĩ agakinyia atumia-inĩ,
Ariganĩirwo kĩrathimo gĩtiarĩ mbũri-inĩ,
Na gĩtiarĩ atumia-inĩ aumĩte nakĩo kwao.

Matikoragwo marĩ eega nĩ Ngai ũmagiragia,
Manageria gũtũteng’ũra Ngai akamakũũma,
Manenda gũtũinũkia ũtheri tũtarĩ mũcaara,
Manatũbangĩra mũthiro akamoha magũrũ.

Manatũthiĩra mawĩra-inĩ atĩ nĩguo tũinũkio,
Manageria gũtũthiĩĩka atĩ tũtikoneke,
Manatwara mbica ciitũ kwa ago tutigathereme,
Kĩo kĩao gĩa tũthiire gĩkagithio hinya.

Matikoragwo marĩ eega nĩ Ngai ũmagiragia,
Manageria gũtũteng’ũra Ngai akamakũũma,
Manenda gũtũinũkia ũtheri tũtarĩ mũcaara,
Manatũbangĩra mũthiro akamoha magũrũ.

O ta ũrĩa matu matagiragia ũtheri wa njata kuoneka,
O naka torĩa ũtangĩhingĩrĩria rũhuho
Ũguo nĩguo kĩrathimo gĩtingĩthiĩkĩka,
Mũkĩheani akĩigire ngoro gĩtingĩkinyĩrĩka.

Matikoragwo marĩ eega nĩ Ngai ũmagiragia,
Manageria gũtũteng’ũra Ngai akamakũũma,
Manenda gũtũinũkia ũtheri tũtarĩ mũcaara,
Manatũbangĩra mũthiro akamoha magũrũ.

Thengiũ Ngai tondũ ndwanareka wendo wao ũhinge,
Ndwanareka mahotane mũbango-inĩ wao,
We Ngai ũrekaga manoge mĩnoga ya tũhũ,
Thengiũ nĩ kũnjarĩra metha oro mbere yao.

Matikoragwo marĩ eega nĩ Ngai ũmagiragia,
Manageria gũtũteng’ũra Ngai akamakũũma,
Manenda gũtũinũkia ũtheri tũtarĩ mũcaara,
Manatũbangĩra mũthiro akamoha magũrũ.

Matikoragwo marĩ eega nĩ Ngai ũmagiragia,
Manageria gũtũteng’ũra Ngai akamakũũma,
Manenda gũtũinũkia ũtheri tũtarĩ mũcaara,
Manatũbangĩra mũthiro akamoha magũrũ.