Mũnyamarũri Ngai ũtehĩngĩcaga,
Inamĩrĩria gũtũ ngĩgũkũngũiya,
We ũtũmĩte rung’ũrĩ-inĩ kũgĩe njũĩ,
Nyanjara-inĩ gũgakĩgĩa na bũthi,
Ngũigua gwa thata nĩ kũrarĩra mwana,
Mũgwetereri nĩũmũtũngĩtie mwago.

We wĩhokagwo kũrĩa gũtarĩ gũkagĩa,
Na rĩrĩa wetwo kũrĩa kũritũ ũkahũthia,
Watuĩkĩte kĩhonia, thĩna witũ ũtanoneka
Ngũgĩtũũra ngwĩrĩgagĩrĩra, ing’etia rĩaku nĩ rĩingataga wagi.

Ndigithũ ciaku ciĩbebaine bũthi,
Ndũrĩ weyagia imera-inĩ ciothe,
Wĩrĩga kũgegia mũtumia wa ndigwa,
Ũramũrĩhĩra thiirĩ atanatahwo
Onaniĩ noguo ũndĩhĩire thiirĩ,
Ũkĩrĩ wa gũthathayagio mũno.

We wĩhokagwo kũrĩa gũtarĩ gũkagĩa,
Na rĩrĩa wetwo kũrĩa kũritũ ũkahũthia,
Watuĩkĩte kĩhonia, thĩna witũ ũtanoneka
Ngũgĩtũũra ngwĩrĩgagĩrĩra, ing’etia rĩaku nĩ rĩingataga wagi.

Wĩ wa kwĩhokwo kũna hatarĩ nganja,
Angĩkorwo nĩniĩ ũyũ ũrũgamĩtie,
Ndaririkana kware ĩrĩa wanyenjire,
Bũrũri mũmũ ũtangĩkũra kĩndũ,
Na tondũ nĩũrĩ guoko kũhatũrani,
Ũkĩhatũra mĩhaka-inĩ ya gwitũ.

We wĩhokagwo kũrĩa gũtarĩ gũkagĩa,
Na rĩrĩa wetwo kũrĩa kũritũ ũkahũthia,
Watuĩkĩte kĩhonia, thĩna witũ ũtanoneka
Ngũgĩtũũra ngwĩrĩgagĩrĩra, ing’etia rĩaku nĩ rĩingataga wagi.

Mĩaka ya ũkombo wona yainĩkĩrĩra,
Wĩgĩragĩra nokeinũkĩria
Mbarĩ ya Isiraeli nĩ aira akwa,
Nĩũmateithũranĩte kwĩ mĩgwate
Babyloni matingĩoneka rĩngĩ,
Nĩũmacoketie imamo-inĩ ciao.

We wĩhokagwo kũrĩa gũtarĩ gũkagĩa,
Na rĩrĩa wetwo kũrĩa kũritũ ũkahũthia,
Watuĩkĩte kĩhonia, thĩna witũ ũtanoneka
Ngũgĩtũũra ngwĩrĩgagĩrĩra, ing’etia rĩaku nĩ rĩingataga wagi.

Rĩu ngũkĩona nĩũtuĩkĩte rwĩmbo,
Na mwĩrahĩro wa arĩa makwĩhokete
Mũkayo wa ũcio mũhũthũ nĩũwũiguĩte,
Ũkamũhũnĩria rũhĩ-inĩ rwaku,
Mũhei nguo cia megarũrĩra,
Nowe nyonetie ngoro gũkũrahaga.

We wĩhokagwo kũrĩa gũtarĩ gũkagĩa,
Na rĩrĩa wetwo kũrĩa kũritũ ũkahũthia,
Watuĩkĩte kĩhonia, thĩna witũ ũtanoneka
Ngũgĩtũũra ngwĩrĩgagĩrĩra, ing’etia rĩaku nĩ rĩingataga wagi.

We wĩhokagwo kũrĩa gũtarĩ gũkagĩa,
Na rĩrĩa wetwo kũrĩa kũritũ ũkahũthia,
Watuĩkĩte kĩhonia, thĩna witũ ũtanoneka
Ngũgĩtũũra ngwĩrĩgagĩrĩra, ing’etia rĩaku nĩ rĩingataga wagi.