Nake Ngai agĩcũthĩrĩria akĩona, arĩ igurũ
Tiwega mũndũ ũyũ aikarage wiki, ena ihoru
Akĩmũmbĩra mũndũ amũteithagie, mũndũ mwega
Maganĩrĩirwo nake matũranie,,,,,,

Mũthuri ngatha nĩamenyagĩrĩra, mũka wake
Akamũhumba wega agathakara, akagema
Akamũhũnia wega agatunguha, akanora
Na ndangĩmũtiga athiĩ agacarie ũngĩ

Mũndũ no agae ng’ombe ona mbũri, na mĩgũnda
Na gĩthomo kuuma kũrũ aciari ake, ona ũtonga
No mũtumia mũgerekereri, ta ũrĩa waku
Ũcio no Ngai we wiki ũngĩheana,,,,

Mũthuri ngatha nĩamenyagĩrĩra, mũka wake
Akamũhumba wega agathakara, akagema
Akamũhũnia wega agatunguha, akanora
Na ndangĩmũtiga athiĩ agacarie ũngĩ

Rĩrĩa weciririe nĩ nĩũkũhikania, ũgĩe mũciĩ
Nĩkwarĩ na airitu aingĩ watigire, bũrũri-inĩ
Wacũthĩrĩirie ũkĩaga ũngĩ mwega, kũmũkĩra
Tondũ nĩwe wombirwo nĩũndũ waku,,,,,

Mũthuri ngatha nĩamenyagĩrĩra, mũka wake
Akamũhumba wega agathakara, akagema
Akamũhũnia wega agatunguha, akanora
Na ndangĩmũtiga athiĩ agacarie ũngĩ

Wona mũka wene mũhumbe wega, akagema
Ndũkamwĩrirĩrie thiĩ ũhumbe waku, athakare
Nĩgetha maitho maku maiganĩre, magacĩre
Ũhingie mĩhĩtwa na irĩkanĩro,,,,,

Mũthuri ngatha nĩamenyagĩrĩra, mũka wake
Akamũhumba wega agathakara, akagema
Akamũhũnia wega agatunguha, akanora
Na ndangĩmũtiga athiĩ agacarie ũngĩ

Wona mũka wene mũtungu wega, akanora
Ndũkamwĩrirĩrie thiĩ ũhũnie waku, atunguhe
Wona wene arĩ na magego merũ, mekũhenia
Menyerera waku atuĩke take,,,,,,

Mũthuri ngatha nĩamenyagĩrĩra, mũka wake
Akamũhumba wega agathakara, akagema
Akamũhũnia wega agatunguha, akanora
Na ndangĩmũtiga athiĩ agacarie ũngĩ

Mũndũ wĩgĩrĩire na mũtumia, ũrĩa ngatha
Ũcio nĩegĩrĩire na kĩndũ kĩega gwĩ thahabu
Gũkĩra ona indo iria ciothe ciombirwo nĩ Jehovah
Nĩgũtugwo ũcio atugĩtwo nĩ Ngai,,,,,,,

Mũthuri ngatha nĩamenyagĩrĩra, mũka wake
Akamũhumba wega agathakara, akagema
Akamũhũnia wega agatunguha, akanora
Na ndangĩmũtiga athiĩ agacarie ũngĩ