Rugoco Lyrics by Zachary Wandaro

Rũrũ nĩ rwa ngatho cia mwanya
Nĩũndũ wa kĩheo kĩa muoyo
Mwathani wakwa ahete tũhũ
Betha na thahabu itangĩona

Ũkai tũine na gĩkeno
Ũkai tũine na gĩkeno
Nĩ tondũ Jehovah nĩokaga
Hau rũgooco-inĩ rwa andũ aake

Ciana cia Jakubu ciatũire
Ũkombo-inĩ kũu Misiri
Jehovah Ngai amaruta kuo
Miriam agĩtongoria rwĩmbo

Ũkai tũine na gĩkeno
Ũkai tũine na gĩkeno
Nĩ tondũ Jehovah nĩokaga
Hau rũgooco-inĩ rwa andũ aake

Jehoshafatu ũrĩa wa Judah
Athiire mbaara-inĩ akĩinaga
Thũ ciake ikĩũragana ciothe
Makĩgoca Ngai na rwĩmbo

Ũkai tũine na gĩkeno
Ũkai tũine na gĩkeno
Nĩ tondũ Jehovah nĩokaga
Hau rũgooco-inĩ rwa andũ aake

Joshua hamwe na mbũtũ yake
Mathiũrũrũkire Jeriko
Makĩhuhaga mĩtũrirũ
Rũthingo rũu rũkĩmomoka

Ũkai tũine na gĩkeno
Ũkai tũine na gĩkeno
Nĩ tondũ Jehovah nĩokaga
Hau rũgooco-inĩ rwa andũ aake

Daudi nĩ Njorua ya rwĩmbo
Ngai ahota thũ ciake ciothe
Nginya Saul thũ ĩrĩa nene
Ainĩire Ngai nguo ikĩgũa

Ũkai tũine na gĩkeno
Ũkai tũine na gĩkeno
Nĩ tondũ Jehovah nĩokaga
Hau rũgooco-inĩ rwa andũ aake

Ũndũ ũrĩa ũngenetie mũno
Nĩkũmenya atĩ rĩtwa rĩakwa
Rĩ hau ibuku-inĩ rĩa muoyo
Ngamũinĩra tene na tene

Ũkai tũine na gĩkeno
Ũkai tũine na gĩkeno
Nĩ tondũ Jehovah nĩokaga
Hau rũgooco-inĩ rwa andũ aake

Ũkai tũine na gĩkeno
Ũkai tũine na gĩkeno
Nĩ tondũ Jehovah nĩokaga
Hau rũgooco-inĩ rwa andũ aake