Muthee Kiengei – Ndorera thina wakwa

Kũrĩ kĩroko tene Hannah wa Elikana
Nĩarokaga hekarũ-inĩ gũthaitha Ngai
Nĩũndũ wa kĩnyũrũri kĩa na ruo rwa Penninah
Agĩthaitha Mwathani naarĩ amũhe mwana
Aturagia maru agakaĩra Ngai,

Akamwira Ngai,
Mwene Isiraeli ndorera thĩna wakwa
Akamwira Ngai,
mwene Isiraeli ndorera thĩna wakwa

Ngai nengereria kĩrathimo gĩakwa
Ndorera thĩna wakwa ũngirie maithori
Ruo rũrũ ndĩnaruo nĩ njũĩ mũthenya ũmwe
Thĩna ũyũ ndĩrarĩa,
ngaheyaga andũ ta karũgano makamaka

Mũthenya ũmwe Eli mũthĩnjĩri Ngai
Nĩakorire Hannah akirĩra akĩgirĩkaga
Nacio iromo ciake nĩ kuoya cioyanaga
Tondũ ahoete mahoya magathira kanua
Eli akĩmũũria, Hannah kaĩ ũnyuire?

Hannah akĩmwĩra, mũthinjĩri Ngai,
Narĩ korwo Ngai andorera thĩna wakwa
Mũthinjĩri Ngai
Narĩ korwo Ngai andorera thĩna wakwa

Ngai nengereria kĩrathimo gĩakwa
Ndorera thĩna wakwa ũngirie maithori
Ruo rũrũ ndĩnaruo nĩ njũĩ mũthenya ũmwe
Thĩna ũyũ ndĩrarĩa,
Ngaheyaga andũ ta karũgano makamaka

Hannah nĩamenyaga Ngai aaga gwĩka ũndũ
Egũcooka mũciĩ na akore ruo rwake
Na gũtirĩ kĩndũ kĩngĩ kĩamũkenagia
Ona rwĩga rũrĩa Elikana agayaga
Eli akĩmũrora akĩmenya ena ruo

Akĩmwĩra Hannah,mũtumia ũyũ
Tathiĩ na thayũ
Ngai wa Isiraeli nĩonete thĩna waku.
Akĩmwĩra Hannah,mũtumia ũyũ
Tathiĩ na thayũ
Ngai wa Isiraeli nĩonete thĩna waku.

Ngai nengereria kĩrathimo gĩakwa
Ndorera thĩna wakwa ũngirie maithori
Ruo rũrũ ndĩnaruo nĩ njũĩ mũthenya ũmwe
Thĩna ũyũ ndĩrarĩa,
Ngaheyaga andũ ta karũgano makamaka

Hannah nĩaheirwo mwana akĩmũtua Samueli,
Ngai wa Isiraeli ndorera thĩna wakwa,
Ona ndanyamario kana thinĩkanio,
Ngai wa Isiraeli ndorera thĩna wakwa,
Ndateo nĩ mũthuri na andũ ao mamene
Ngai wa Isiraeli ndorera thĩna wakwa,

Ingĩaga gĩa kũrĩa kana gĩa kwĩhumba
Ngai wa Isiraeli ndorera thĩna wakwa,
Ingĩgia mbeca nyingĩ kana njage mbeca
Ngai wa Isiraeli ndorera thĩna wakwa,
Ihoya ngũhoya mũthenya wa ũmũthĩ
Ngai wa Isiraeli ndorera thĩna wakwa,

Ngai nengereria kĩrathimo gĩakwa
Ndorera thĩna wakwa ũngirie maithori
Ruo rũrũ ndĩnaruo nĩ njũĩ mũthenya ũmwe
Thĩna ũyũ ndĩrarĩa,
ngaheyaga andũ ta karũgano makamaka